Lâm Đồng brơi hră tuh pơ alin dua kơčăo bruă pơkra bôxit -alumin giăm 60.000 klai prăk
Thứ năm, 10:59, 05/02/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Tlam lơ 3/2, Jơnum min mơnuih ƀôn sang tơring čar Lâm Đồng pơphun brơi Hră pơplih tuh pơ alin Kơčăo bruă Pok prong, pơđĭ tui anŏ klă Sang măi alumin Nhân Cơ hăng Kơčăo bruă Tum pơƀut bôxít - ñôm Lâm Đồng kơ Grup prong pơkra Hơdăng boh pơtâo - Mơnŏng yôm amăng gŭ lŏn (TKV).
Dua kơčăo bruă anai hơmâo prăk tuh pơ alin giăm 60.000 klai. Pơhiăp ƀơi mông jơnum, Khua Jơnum min mơnuih ƀôn sang tơring čar Lâm Đồng ơi Hồ Văn Mười lăi, bruă brơi hră tuh pơ alin krĕp hăng hrơi Akŏ pơdong Ping gah Cộng sản Việt Nam jing yom pơphăn biă mă, pơƀuh tơlơi gơgrong bruă git gai mơ̆ng Ping gah amăng jơlan đĭ kyar bơwih ƀong huă - mơnuih mơnam, amăng anun bruă pơkra gơnam amăng gŭ lŏn hăng pơkra ñôm yom biă mă.
Khua jơnum min mơnuih ƀôn sang tơring čar lăng yom, bơni biă kơ tơlơi prăp rơmet, tơlơi gir mơ̆ng TKV, laih dong kiăng hơdôm gơnong bruă, anom bruă, gong gai să ngă hrŏm kjăp, ngă hră tañ ƀiă, pơhlom dưi čuk pơkra sang măi hăng pơdong plơi phrâo kơ mơnuih ƀôn sang djơ̆ hrơi pơkă./.
Viết bình luận