VOV.Jarai - Gơnam mơ̆ng hmua pơ čư̆ siăng Khánh Hòa glăk ƀu hơmâo anih blơi hơđong ôh, nua rơgêh mơn yua jơlan nao rai ƀu hiam, aka ƀu dưi pơkra klă hăng ƀu hơmâo anom bơwih ƀong tuh pơ alin. Kiăng đĭ kyar kjăp, khŏm hơmâo hơdră djru phara kơ lŏn ia, prăk jia, čan prăk lăp djơ̆ hăng rim kual, rim bruă pơkra gơnam.

VOV.Jarai-Mông livestream lăi pơthâo hăng sĭ boh sầu riêng mă anăn Ami Kâo-“Sầu riêng mơng amĭ” ƀơi să Ea Knuêc, tơring čar Dak Lak hăng tơlơi mut hrŏm mơng Khua git gai Ping gah să yă Ngô Thị Minh Trinh hrŏm hăng neh met wa ngă hmua, mơguah (24/8), pơphun hiam klă, ngă lar hyu pran pơplih mơng ƀon lan.

VOV.Jarai-Anom bruă wai lăng hăng pơgang phun pla (Ding jum Ngă hmua hăng Ayuh hyiăng lŏn mơnai adai rơhuông) phrâo ngă hrŏm Gơnong bruă Ngă hmua hăng Ayuh hyiăng Lŏn glai adai rơhuông tơring čar Dak Lak hrŏm hăng lu sang bruă pơdjơ̆ nao, pơphun jơnum Bơkơtuai ĕp boh thâo phrâo anăn “Hơdră ngă hmua rơgoh hơdjă mơta mơda, pơsir hlom akŏ klôn, pơhrŏ anih ngă dơluh đĭ ia djah sat, ngă hmua hơđong kơjăp amăng hơdôm mơta pơjeh djuai phun pla ƀơi Dak Lak”. Bruă ngă anai pơhưč lu khua mua djop anom bruă, ƀing mơnuih kơsem min rơgơi kơhnâo, ƀing ngă bruă mơdrô, sang bruă ngă hrŏm laih anun mơnuih ngă hmua nao pơhmư̆ hrŏm.

VOV.Jarai-Klin pơtah čroh ƀơi un glăk ngă tơnap tap, klin lar hyu lu ƀon lan, ngă rơngiă lu hăng gơnong bruă rông hlô hăng bơdjơ̆ nao bruă sĭ mơdrô mơnong un. Ƀơi anăp kơ tơlơi anai, gơnong bruă bơdjơ̆ nao amăng hơdôm boh tơring čar hăng Ding jum ngă hmua glăk hruă kjăp amăng wai lăng, pơtrut kơtang amăng pơtô pơblang, laih dong pơtrut bruă rông hlô, djru brơi vaccine kiăng pơgang klin kman, pơhlôm mơnong ƀong hơdjă hăng hơđong bruă sĭ mơdrô mơnong un amăng hơdôm blan rơnuč thun.

VOV.Jarai-Jơnum min mơnuih ƀôn sang tơring čar Dak Lak phrâo hơmâo tơlơi črâo trun kơ bruă pơkra pơjing, blơi pơhrui boh sầu riêng bơyan thun 2025, rơkâo pok pơhai ha amăng plĕ hơdră pơhlôm pĕ pơhrui, pơkra pơjing, blơi pơhrui djơ̆ hơnong pơkă sĭ mơdrô pơ tač rơngiao.

VOV.Jarai - Tui hăng ơi Nguyễn Hà Lộc, Kơ-iăng Khua Gơnong bruă đang hmua hăng rơhuông adai lŏn mơnai glai klô tơring čar Lâm Đồng, hrŏm hăng hơdôm phun pla pơkon, mắc ca rŭ đĭ kah hăng sa gơnong bruă hmâo anô̆ gal prong mơ̆ng tơring čar.

VOV.Jarai Anom bruă pơsur ngă hmua dêh čar (Ding jum bruă hmua hăng Ayuh hyiăng) phrâo pơphun Jơnum bơkơtuai pơsur ngă hmua @ hăng anăn “Hơdră pơđĭ tui kual pla glai kyâo prong nao hrŏm hăng hră pơsit wai lăng glai hơđong kjăp”. Mông jơnum kiăng pơtŏng glăi tơlơi glăk hơmâo, kah pơpha, lăi pơthâo boh thâo thăi hăng ba tơbiă hơdră pok prong glai kyâo pơprong hơmâo hră pơsit, djơ̆ tui hăng tơlơi kiăng mơ̆ng anih sĭ mơdrô dêh čar ta wơ̆t hăng pơ čar rơngiao.

VOV.Jarai-Lơ 4/8 phrâo anai, Ding jum Ngă hmua hăng Ayuh hyiăng hơmâo ngă hră pơtrun mrô 3015/QD-BNNMT, pơkă kơ hơdră pel ĕp anŏ hơdjă mơnong ƀong huă amăng boh durian (sầu riêng) pioh sĭ mơdrô pơ tač rơngiao. Hăng tơring čar Dak Lak lĕ kual pla boh durian prong hloh amăng dêh čar ta, tơlơi pơkă anai yom biă mă yua kơ dưi kĭ kơđŏm amăng hrơi blan djơ̆ bơyan pĕ boh sầu riêng.

VOV.Jarai - Ƀơi anăp tơlơi hŭi klin pơtah čroh ƀơi un (bui) hơđuh đĭ, ƀă hyu pơ lu anih, tơring čar Gia Lai glăk gir pơgang, mơ̆ng bruă rông, čuh tă truh kơ ba sĭ, či pơgăn klin pơtah čroh ƀơi un hơđuh đĭ.

VOV.Jarai-Mơguah lơ 11/8, ƀơi Đà Lạt, Sang bruă pơsur ngă hmua dêh čar ngă hrŏm hăng Gơnong bruă Ngă hmua hăng Ayuh hyiăng Lâm Đồng, jơnum pơčrong sai “Pla boh makka djơ̆ hơnơ̆ng pơkă VietGap lir hơbit hăng anih blơi hơđong”.