VOV4.Jarai - Čơtlăm lơ 20/8, Jơnum min mơnuih ƀôn sang tơring čar Lâm Đồng mă yua tơlơi pơsit pơjing grŭp djru pơ ala glăi anô̆ răm rai yua kơ rơmô brung ruă čroh kian hăng djai ha amăng plĕ tơdơi kơ klâ̆o vaccine NAVET-LPVAC pơgang bơbrah klĭ khil khul mơ̆ng Sang bruă Navetco.

VOV4.Jarai-Sang bruă prăk gah đang hmua hăng pơđĭ kyar plơi pla anom bruă ƀơi kual gah kơdư tơring čar Dak Lak, brơi čan prăk djơ̆ pô kiăng, hăng djơ̆ hrơi blan mơ̆n anun ngă gêh găl brơi mơnuih ngă hmua hơmâo prăk blơi gơnam yua či mă bruă ngă đang hmua, blơi hơbâo pruai, kmơ̆k dưm amăng đang djơ̆ bơyan. Tơlơi anai hơmâo pơgôp prong biă mă amăng bruă pơgăn anŏ hyu čan prăk gah rơngiao kơmlai lu, tom ngă tơnap kơ mơnuih ƀôn sang amăng plơi pla, pơtrut lu sang anŏ dong hnưh ƀu anăm tla, tơl rơngiă lŏn sang đang hmua.

VOV4.Jarai-Tơdơi kơ 1 rơwang hrơi tơjuh pơtum lu bruă mă pơjrao kiăng pơgang pŭ rơmô brung djet ia tơsâo ruă kian pơčroh, eh drah laih anun djai ha amăng plĕ ƀơi Lâm Đồng, ră anai dưi pơjrao tui ƀơƀrư̆ laih. Khă tui anun, tơlơi lông lăng ăt dŏ đôč, lơ̆m ƀuh hơdôm drơi rơmô kiah hlao ƀiă ruă kian, ñu ngă glăi tơlơi ruă kah hăng hlâo kơ anun. Hơdôm sang anŏ rông rơmô brung ƀơi Lâm Đồng hlăk dŏ tơguan tơlơi lăi glăi mơ̆ng Ding jum Bruă hmua hăng Pơđĭ kyar plơi pla, kơ phun ñu yua hơgĕt hơmâo laih anun pô glăm ba, duh kơ ană plơi pla, kiăng kơ ană plơi pla tañ rŭ glăi tơlơi bơwih ƀong huă čem rông hlô mơnong. Ƀơi anŏ, kiăng hơmâo tơlơi ĕp lăng rơngai, tơpă hnơ̆ng djơ̆ lăp. Pô čih tơlơi pơhing Quang Sáng pơthâo brơi tơlơi pơhing anun tui anai.

VOV4.Jarai-Ƀơi tơring čar Lâm Đồng, anom bruă pơjrao hlô mơnong dêh čar hăng tơring čar hlăk pơtum ĕp lăng hăng pơjrao pŭ rơmô brung djet ia tơsâo djai lu ha amăng plĕ. Khă hnun, ră anai rim hrơi, mrô rơmô ruă kian eh drah hăng djai kling klưng jai hrơi lu tui, ngă kơ mơnuih ƀôn sang ƀơi 2 boh tơring glông Đơn Dương hăng Đức Trọng tơring čar Lâm Đồng bơngơ̆t biă mă.

VOV4.Jarai-Jơnum ngui Sầu riêng Krông Pač (tơring čar Dak Lak) tal II, thun 2024 hăng anăn “Sầu riêng Krông Pač-Pơđĭ kyar hăng mut hrŏm” amra pơphun dong mơng lơ 31/8 truh abih lơ 2/9 pơ anăp.

VOV4.Jarai-Lu mơnuih apăn bruă Ping gah djuai ania Êđê ƀơi tơring glông Krông Pač (Dak Lak) hơmâo hrưn đĭ pơklaih mơng ƀun rin. Ƀing gơñu lĕ ƀing mơnuih ba gru kiăng neh met wa amăng plơi pla hrăm tui.

VOV4.Jarai-Grup hyu mă bruă mơng Ding jum ngă hmua hăng pơđĭ kyar ƀon lan yua Kơ-iăng khua ding jum Phùng Đức Tiến ba jơlan hlâo nao pel ĕp kơ bruă pơgang kman čroh kian ƀơi rơmô pơ 2 boh tơring glông Đức Trọng hăng Đơn Dương, tơring čar Lâm Đồng.

VOV4.Jarai - Tañ pok pơhai pơkra 2 bôh bơnư̆ ƀơi ia Pa, črăn găn plơi prong An Khê, tơring čar Gia Lai amra djru hơkrŭ pơsir tơlơi ngă hơƀak, pơjing anih anom hiam, pơtrut pơđĭ kyar bơwih ƀong mơnuih mơnam ƀơi plơi prong.

VOV4.Jarai-15 ƀut kơphê pơkra rai hiam, ruah mă mơ̆ng tal pơplông kơphê jơman hloh Việt Nam thun 2024 amra ba nao pơsit nua sĭ mơdrô ta juăt lăi, pơjuă nua sĭ mơdrô lơ 17/8 pơ anăp ƀơi Hà Nội.

VOV4.Jarai-Amăng dua hrơi lơ 6 hăng lơ 7/8, tơring čar Dak Lak hơmâo pơphun pơtong glăi pơpha anŏ pơkă hiam gơnam sĭ mơdrô OCOP (Hơdră rim boh să hơmâo sa mơta gơnam djă anăn sĭ mơdrô mơ̆ng pô) tal 2.