VOV4.Jarai – Năm blan akô̆ thun anai, tơring čar Dak Lak hmâo rơnoh đĭ kyar bơwih ƀong 4,13%, akă djơ̆ hăng tơlơi čang rơmang ngă tui anô̆ gal mơ̆ng tơring čar.

VOV4.Jarai-Kual lŏn ƀơi Dap Kơdư Sipa Phin, să Sipa Phin, tơring glông Nậm Pồ, tơring čar Điện Biên jing anih pơdong glăi plơi phrâo kơ mơnuih ƀôn sang đuăi, bĕ hĭ mơ̆ng plơi pla hơđăp yua djơ̆ bruă pơdong sang măi drai apui lơtrik Sơn La. Mơ̆ng kual lŏn khăng khăi, tơlơi hơdip mơda dŏ lu tơlơi tơnap tap, mơnuih ƀôn sang khom tơpư̆ ƀong hăng tơlơi tơnap tap gleh glar, truh ră anai, yua hơmâo tơlơi gir run khut khăt mơ̆ng abih bang glông bruă kơđi čar hăng mơnuih ƀôn sang plơi pla, kual lŏn Dap Kơdư, lŏn lŏn dăo Sipa Phin hơmâo pơblih hiam tui lăng ƀlĭk hlơ hlip kơ hla đang añăm pơtam mơtah mơda, sa tơlơi čang rơmang amăng bruă bơwih ƀong huă, tơlơi hơdip mơnuih ƀôn sang đĭ tui hơđong kjăp.

VOV4.Jarai – Ơi Ksor Phiếu, djuai ania Jarai lĕ Khua plơi Blo Dung (să Ia Hrung, tơring glông Ia Grai, tơring čar Gia Lai). Khă phrâo hmâo 42 thun samơ̆ ñu dưi hmâo neh wa amăng plơi pơpŭ, đăo kơnang na nao. Kah hăng abih bang djop mơnuih amăng plơi leng kơ lăi lĕ: Hmư̆ tui tơlơi Ksor Phiếu lăi, ngă tui hơdră ñu ngă hă tơlơi hơdip mơda mơ̆ng sang anô̆ amra pơplih hăng klă hiam hloh.

VOV4.Jarai-Ƀơi tơring čar Dak lak glăk ƀuh lu mơnuih phă hĭ hơdôm phun pla sui thun hơdai nao pla boh sầu riêng hăng tơlơi čang rơmang pơhrui hmâo hmăi ƀiă. Bruă luh nao pla boh sầu riêng lu đơi amuñ ba truh lu tơlơi tơnap ƀu djơ̆ kơnong hăng mơnuih ngă hmua đôč ôh ăt bơdjơ̆ nao gơnong bruă sầu riêng dong.

VOV4.Jarai – Rơwang hrơi tơjuh rơgao, Khul khua pơ ala mơnuih ƀôn sang tơring čar Kon Tum pơphun tal jơnum amăng krah thun pioh pơsit bruă bơwih ƀong – mơnuih mơnam 6 blan akô̆ thun hăng pok pơhai bruă jao 6 blan rơnuč thun. Lu tơlơi lăi nao ƀơi tơring čar ăt dưi lăi nao mơn amăng tal jơnum anai. Amăng anun, lu tơlơi bơdjơ̆ nao truh hơdră bruă djuai ania ƀiă.

VOV4.Jarai – Khua pơ ala kơ Grŭp Khul pơlir hơbit kual Mi Kô̆ ƀơi Việt Nam amăng bơkơtuai “Lăi pơthâo hơdră mă yua bôh thâo kơ Tơlơi pơkă pơgăn phă glai hăng pơlir bruă ngă kiăng huăi phă glai, răm rai glai klô ƀơi Việt Nam” pơphun lơm lơ 12/7, ƀơi Dak Lak.

VOV4.Jarai-Tơring čar Dak Lak hlăk prăp lui bơyan pĕ boh sầu riêng kơ thun 2024. Hrŏm hăng bruă jŭ yap glăi, ĕp lăng tong ten boh tŭ yua hiam mơ̆ng boh troh, bruă pơhlôm rơnuk rơnua hơđong ƀơi djop anih ngă hmua đang pla, sĭ mơdrô boh sầu riêng, dưi hơmâo djop anom bruă, plơi pla amăng tơring čar đing nao biă mă.

VOV4.Jarai – Anom bruă đang hmua hăng pơđĭ kyar ƀôn lan tơring glông Čư̆ Mgar, tơring čar Dak Lak glăk gum hrŏm hăng hơdôm bôh tơring glông yap glăi mrô sầu riêng mơ̆ng mơnuih ƀôn sang răm rai tơdơi kơ kruah yâo lơm čơtlăm mơmot lơ 6/7 hăng ĕp jơlan djru gum.

VOV4.Jarai-Amăng 6 blan akŏ thun, ngă hmua amăng tơring čar Dak Lak hơmâo lu tơlơi dưi, nua gơnam đang hmua (kơphê, tiu, sầu riêng) đĭ kơtang, pơgôp prong prin kiăng ngă hơđong tơlơi hơdip kơ mơnuih ƀôn sang hăng pơđĭ kyar bơwih ƀong huă-mơnuih mơnam amăng đơ đam tơring čar.

VOV4.Jarai-Thâo pơmĭn, khin ngă, ĕp jơlan bơwih ƀong phrâo amăng kual krô kreñ, ƀing hlăk ai ƀơi să Ea Nuôl, tơring glông Buôn Đôn, tơring čar Dak Lak hơmâo ba jơlan hlâo ngă tui hơbô̆ bruă pla boh ƀâo mơtah. Găn rơgao 3 thun pla lông lăng, truh ră anai hơbô̆ bruă anai blung hlâo ba glăi tŭ yua amăng bơwih ƀong huă.