VOV4.Jarai - Thun 2013 Jơnum min mơnuih ƀôn sang tơring čar Kon Tum pơsit pok pơhai Kơčăo bruă djru pơđĭ kyar phun kơphê kual lŏn rơ-ŏt Arabica, ƀơi 3 boh tơring glông mơ̆ng tơring čar anun lĕ Đăk Glei, Tu Mơ Rông hăng Kon Plong. Hơbô̆ bruă anai brơi tŭ yua rơđah. Rơkâo neh met wa hăng ƀing gơyut hmư̆ tơlơi čih mơ̆ng pô hyu mă tơlơi pơhing kơ boh tŭ yua mơ̆ng kơčăo bruă anai.

VOV4.Jarai - Hơbô̆ bruă pơsur ngă hmua amăng plơi pla pơđĭ kyar kual ngă kơphê kơjăp hơmâo pơphun ƀơi 5 boh tơring čar Dap Kơdư hăng lu bruă phara pơlir hăng bruă pơkra gơnam. Tơlơi anai djru ba mơnuih djru pơtrut ngă hmua ngă klă tơlơi gơgrong bruă pơtruh brơi, djru mơnuih ngă hmua hăng anom bơwih ƀong gum pơkra kơphê pơhlôm klă, hơmâo nua yôm.

VOV4.Jarai - Tlam lơ 20/11, Anom bruă pơčeh phrâo Sĭ mơdrô hơđong ngă hrŏm hăng Grup khua pơlir hơbit kual Mi Kô̆ ƀơi Việt Nam, Anom bruă pơgang ba Phun kyâo, Khul pla Tiu hăng Phun pơkra ngôt hra Việt Nam phun klah čun Kơčăo bruă "Pơtrut pơkra gơnam hăng sĭ mơdrô hơđong phun tiu Việt Nam”.

VOV4.Jarai – Tom brơi (17/11), ƀơi plơi prong Plei Ku, Gia Lai, Anom pơsur bruă đang hmua lŏn ia pơphun bơkơtuai “Pơsur bruă đang hmua plơi pla pơđĭ kyar kual kơphê Dap Kơdư”.

VOV4.Jarai - Mơguah lơ 16/11, khua mua Jơnum min mơnuih ƀôn sang tơring čar Dak Lăk pơhiăp tom giăm 350 čô khua amăng khul, mơnuih ngă hmua, pô pơ ala kơ rơbêh 194 rơbâo čô ding kơna amăng tơring čar ƀơi “Jơnum bơkơtuai kơplah wah khua mua Jơnum min mơnuih ƀôn sang tơring čar hăng mơnuih ngă hmua thun 2023”.

VOV4.Jarai- Bơyan pĕ sầu riêng thun 2023 ƀơi tơring čar Dak Lak pơđut hĭ laih hăng hơmâo lu tơlơi dưi aka ƀu ƀuh ôh hlâo anun, yua sầu riêng pĕ pơhrui lu, hăng sĭ giăm rơbêh 15 rơbâo klai prăk, lu hơdôm wŏt pơhmu hăng tơlơi čang rơmang, tơlơi anai ngă kơ tơring čar hơmâo dong hơdôm rơbâo čô mơnuih ngă hmua pơdong asah. Samơ̆, anai lĕ bơyan pĕ pơhrui ƀu mơ-ak ôh hăng ƀing hyu blơi pơhrui ba sĭ pơ tač rơngiao, lu mơnuih huăč prăk kak ƀudah bruă sĭ mơdrô ƀu pơhlôm djơ̆ hăng tơlơi kiăng, hăng tơlơi anai ăt pơdah rơđah dong hơdôm tơlơi bơngŏt bơdjơ̆ nao gơnam sĭ yôm anai.

VOV4.Jarai – Ƀrô̆ djơ̆ tal čuă hăng pơhmư̆ Rơwang hrơi tơjuh Bôh thâo Tuai čuă ngui Gia Lai 2023, Khua Ding jum đang hmua hăng pơđĭ kyar ƀôn lan dêh čar Lê Minh Hoan hmâo laih mông pơbưp, bơkơtuai hrŏm hăng hơdôm bôh anom bơwih ƀong ngă kơphê ƀơi tơring čar jum dar anăn ñu pơđĭ tui nua kơphê.

VOV4.Jarai-Hăng dơnao ia rơ-ơ̆ rơngeh hăng lu dơnao pơkŏng ia, drai ia apui lơtrik prong, ƀơi tơring čar Dak Nông hơmâo lu dơnao rông akan ba glăi pơhrui lu hloh. Samơ̆, hơdôm tơlơi gun găn amăng hơdră bruă, rơnoh tuh pơ alin ngă pơgăn hơdôm boh ƀon lan pok mă yua hơdôm tơlơi gal kiăng pơđĭ kyar rông akan hơdang ba glăi pơhrui lu.

VOV4.Jarai - Rơngiao kơ bruă pơphun jơnum bơkơtuai, pơtop hrăm kiăng djru brơi hơdôm anom bơwih ƀong sĭ mơdrô amăng tơring čar dưi tŭ mă hăng hrưn đĭ boh thâo mut hrŏm jar kmar, tơring čar Lâm Đồng glăk đing nao pơtrut kơtang bruă pơsur sĭ mơdrô, pơlir hơbit sĭ gơnam tam, pok prong anih blơi pơhrui gơnam đang hmua hiam hơdjă mơng ƀon lan.

VOV4.Jarai-Amăng tal jơnum Festival Djă pioh hăng pơđĭ tui plơi pla ngă bruă pơkra ming gơnam sĭ mơdrô thun 2023, mơguah lơ 9/11, ƀơi Hà Nội, Ding jum Bruă hmua hăng pơđĭ kyar plơi pla ngă hrŏm Jơnum min mơnuih ƀôn sang ƀôn prong Hà Nội pơphun jơnum pơčrong sai bưp 100 čô mơnuih kơhnăk pơkra ming pơ ala brơi kơ rơbêh 2 rơbâo 107 čô mơnuih kơhnăk, bruă pơkra ming hăng rơbêh 3 klăk 650 rơbâo čô mơnuih mă bruă pơkra ming gơnam sĭ mơdrô amăng dêh čar.