VOV4.Jarai - Amăng hơdôm thun giăm anai, yua pơplih hơdră ngă hmua pla pơjing, lui hĭ ia jrao arah laih anun mă yua kmơk bơbrŭ mơ̆ng djah djâo, Gia Lai hơmâo akŏ pơjing kual ngă kơphê hơdjă, klă jơman, djơ̆ hăng hơnong pơkă sĭ kơ čar rơngiao laih anun ba glăi hơdôm rơtuh klăk dolar rim thun. Bruă pơplih anai ƀu kơnong pơkra rai kơphê yôm đôč ôh mơ̆ ăt ba glăi prăk kăk hơđong, neh met wa kual dap kơdư dưi ngă pơdrong hơđong kjăp.

VOV4.Jarai-Hơdôm thun giăm anai, lu mơnuih ngă hmua ƀơi tơring čar Dak Lak pơblih đang hmua ngă pơdai hăng phun pla ƀiă blan hơdai nao pla pơtơi, ba glăi rơnoh pơhrui glăi lu. Ƀrô djơ̆ bơyan ƀong têt ngă yang thun phrâo  Ất Tỵ thun anai, him lăng mơnuih pla pơtơi pơhrui glăi lu mơ̆n, yua lu boh pơtơi, dông pơtơi pơ đang ƀing sĭ mơdrô nao čơkă blơi tơl hmua hăng rơnoh pơmă ƀiă.

VOV4.Jarai - Mơguah lơ 21/1 ƀơi ƀôn prong Cần Thơ pơphun Jơnum khua pơ ala mơnuih ƀôn sang hăng anăn Ngă hrŏm djŏp dêh čar pơhiăp tơlơi Prang gah bruă ngă hmua hơđong, rơnuk rơnua braih apiăng hăng pơgăn ayuh hyiăng pơplih, yua Ƀirô khua pơ ala mơnuih ƀôn sang Việt Nam pơphun ƀrô hrơi pơphun Jơnum khua mua apăn bruă git gai Khul pơ ala mơnuih ƀôn sang pơhiăp tơlơi Prang.

VOV4.Jarai-Dŏ kơnong rơbêh ha wŏt hơi tơjuh dong lĕ truh Tết tui phiăn juăt Ất Tỵ 2025, hơdôm hrơi anai, hơdôm đang pla bơnga, phun kyâo hiam ƀơi Dak Lak glăk ječ ameč prap lui tal rơnuč kiăng kơ pơhlôm brơi phun kyâo, bơnga hiam hloh sĭ mơdrô brơi mơnuih blơi yua. Lu đang pla brơi thâo, thun anai, ayuh hyiăng ƀu gêh gal yua anun bruă bơwih brơi phun bơnga glêh glar biă mă.

VOV4.Jarai - Tết tui phiăn juăt Ất Tỵ 2025 giăm truh laih, tui hăng rơwang bruă, rơnoh mơnuih blơi yua gơnam tam đĭ lu, Kiăng djop brơi gơnam tam, ră anai hơdôm bôh anom bơwih ƀong glăk pơkra rai klă gơnam pioh sĭ kơ mơnuih blơi yua, hơdôm anom sĭ hyu raih daih gơgrong hlâo hơdôm jơlan gah pơhlôm mrô gơnam, prăp lui gơnam sĭ kơ Tết, biă ñu hơdôm gơnam kiăng yua hloh.

VOV4.Jarai-Hăng lu anŏ gêh găl, gơnam sĭ mơdrô boh troh mơ̆ng đang hmua tơring čar Dak Lak jai hrơi hơmâo pơsit laih anŏ hiam klă hăng anăn păn hmư̆ hing amăng anih sĭ mơdrô prong lơ̆m dêh čar hăng truh pơ jar kmar, thun hlâo prăk sĭ mơdrô pơhrui glăi truh 1,6 klai đolar Mi. Djop gưl anom bruă, sang bruă sĭ mơdrô hăng mơnuih ngă hmua amăng tơring čar ăt hlăk pơtrut kơtang lu hơdră pơđĭ tui rơnoh sĭ mơdrô, ba gơnam mơ̆ng đang hmua hrưn đĭ anăp nao pơ “Kual ia rơsĭ prong”.

VOV4.Jarai - Yak mut 3 blan tal sa thun 2025, sĭ gơnam mă mơ̆ng đang hmua mơ̆ng dêh čar tač rơngiao, biă ñu añăm hla rok bôh troh hmâo hơdôm gru rơđah klă dong. Khă hnun hai lu tơlơi gum pơhiăp lăi lĕ ƀơi anăp hơdôm tơlơi pơplih mơ̆ng bruă sĭ blơi ƀơi rŏng lŏn tơnah, anom bơwih ƀong kiăng biă hmao kiăo tui hơdôm pơplih na nao mơ̆ng bruă blơi sĭ. “Tơlơi suaih pral” anom bơwih ƀong khom kơtang đĭ kyar mơ̆ng bruă anai kiăng kơjăp sui thun.

VOV4.Jarai-Dong mơng lơ 3/1, tơlơi pơkă wai lăng, mă yua hăng wai pơgang ba glông črâo ba anih pla “Buôn Ma Thuột” hăng kơphê Robusta sit nik dưi mă yua.

VOV4.Jarai-Amăng jơlan hơdră bơwih ƀong huă ba tuai hyu ngui hlăk rŭ glăi laih anun pơđĭ kyar tui ră anai. Kơnuk kơna Việt Nam đing nao biă mă pơtrut hơdră “Čơkă tuai  hyu ngui hơmâo logistics đĭ rơdêh por nao pơ anih čuă ngui ƀơi Việt Nam” laih anun lăng kơ bruă hyu ngui anih hiam mơak mơtah mơda jing anăp pơđĭ kyar hơđong kơjăp. Yua kơ anun, pơtrut bruă ngă hrŏm jar kmar plah wah anom bruă sĭ mơdrô ba tuai hyu ngui hăng anom bruă rơdêh por pơgiăng tuai kiăng pơđĭ kyar mơtah mơda hăng hơđong sit nik.

VOV4.Jarai-Tơring čar Dak Lak glăk gir run ngă tui hơnong pơkă amăng pơjing bruă ngă hmua hơđong kjăp, hiam hơdjă kiăng đĭ tui rơnoh pơhrui mơng djop phun pla phun amăng tơring čar. Sa amăng hơdôm hơdră bruă glăk hơmâo tơring čar pơtrut kơtang lĕ pơplih phrâo hơbô̆ bruă pơlir kơplah wah mơnuih ƀôn sang-anom bơwih ƀong hrŏm-anom bơwih ƀong sĭ mơdrô kiăng pơjing rơnoh yôm mơng gơnong bruă ngă hmua hơđong kjăp.