Kơsem min phrâo kơ sâm Ngọc Linh djru pơđĭ kyar bơwih ƀong – mơnuih mơnam tơring čar Kon Tum
Thứ sáu, 09:48, 16/05/2025
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Čơtălm tom brơi (15/5), ƀơi plơi prong Kon Tum, Jơnum min mơnuih ƀôn sang tơring čar Kon Tum pơphun Bơkơtuai bôh thâo phrâo “Hơdôm kơsem min phrâo kơ sâm Ngọc Linh – Bôh than hăng mă yua”.
Bơkơtuai pơtŏng sit rơđah hloh bôh tŭ yua, tơhnal gal phun jrao mơ̆ng sâm Ngọc Linh, lăi pơthâo anih anom phrâo kơjăp kơ bruă ia jrao, bơwih brơi tơlơi suaih pral mơnuih mơnam hăng pơđĭ kyar bơwih ƀong – mơnuih mơnam mơ̆ng tơring čar.
Tui hăng ơi Nguyễn Đức Tuy, Kơ-iăng Khua git gai Ping gah tơring čar Kon Tum, dưi pơsit tơhnal yôm phăn hăng tơhnal gal prong prin mơ̆ng sâm Ngọc Linh, Ping gah tơring čar Kon Tum hmâo laih Tơlơi pơtrun pơsit “Kơ tuh pơplai, pơđĭ kyar hăng pơkra phun jrao ƀơi tơring čar truh thun 2025, pơsit jơlan gah truh thun 2030”. Tơring čar Kon Tum hmâo ba tơbiă tơhnal truh rơnuč thun 2025 pơlar hmâo 4.500 ektar sâm Ngọc Linh hăng truh thun 2030 hmâo năng ai ñu 10.000 ektar đang sâm Ngọc Linh./.
Viết bình luận