Kơnong kơ tơdơi akă hmâo 10 thun, lŏn pla phun sầu riêng đơ đam dêh čar đĭ lu hloh kơ 6 wot, dưm dưm hăng 180 rơbâo ektar amăng thun 2024, mrô ñu hloh kơ 1,5 klăk tơn, prăk pơhrui glăi hmâo rơbêh kơ 3 klai dolar Mi; djru yôm phăn amăng tơhnal pơkă pơđĭ kyar kual đang hmua, đang kyâo, akan hơdang ăt kah hăng tơhnal ba tơbiă sĭ kơ dêh čar tač rơngiao.

Khă hnun hai, đĭ kyar “tañ” hmâo pơdah rai lu tơlơi ƀu lăp lơm 4 blan akô̆ thun 2025, sầu riêng sĭ kơ dêh čar tač rơngiao hrŏ trun kơtang gah mrô hăng nua ñu. Khua Ding jum Đỗ Đức Duy lăi pơtă tơdah ƀu hmâo jơlan pơsir bruă wai lăng kơjăp, Việt Nam amra tơblut amăng jơlan dir wir ƀu klă: rơbêh mrô sầu riêng, rơngiă nua, rơngiă anih anom pioh sĭ, bơdjơ̆ nao prong pran đăo kơnang kơ gơnam mă mơ̆ng đang hmua Việt Nam./.