VOV4.Jarai-Ƀơi plơi prong Ƀuôn Ma Thuôt, Sang bruă prăk Kơnuk kơna Việt Nam phrâo ngă hrŏm Jơnum min mơnuih ƀôn sang tơring čar Dak Lak pơphun jơnum pơtruh nao rai Sang bruă prăk –Anom bruă bơwih ƀong sĭ mơdrô amăng kual Dap Kơdư.

VOV4.Jarai – Đơ đam tơring čar ră anai hmâo năng ai ñu 150 bôh anom mă bruă hrŏm gah đang hmua, rơbêh kơ 270 blah blok, đang war hăng rơbêh kơ 15.500 bôh sang anô̆ mơnuih ngă đang hmua hmâo pơlir hơbit ngă đang hmua blơi sĭ gơnam hăng anom bơwih ƀong sĭ mơdrô.

VOV4.Jarai – Anom kơsem min bôh thâo măi mok đang hmua đang kyâo Dap Kơdư pơphun klah čun Rơwang bruă pơđĭ tui tơhnal kơjăp, mrô gơnam ngă rai hăng nua gơnam mơ̆ng glông bruă ngă đang hmua hăng nua pơlir hơbit mơ̆ng kơphê hăng tiu ƀơi kual Dap Kơdư” thun 2023.

VOV4.Jarai - Tom brơi (6/10), Khul ngă ƀong hrŏm tơring čar Dak Lăk pơphun Jơnum pơtruh nao rai pơkra gơnam ba sĭ kiăo tui anom bruă ba sĭ gơnam”.

VOV4.Jarai - Amăng 9 blan thun 2023, hơmâo 32 mơta gơnam hơmâo prăk pơhrui rơbêh 1 klai dolar Mi.

VOV4.Jarai-“Mơng anai truh rơnuč thun, gơnong bruă ngă hmua hăng pơđĭ kyar ƀon lan đing nao sĭ mơdrô pơ tač rơngiao hơdôm gơnam yôm hloh kiăng dưi ngă tui hơnong pơkă pơđĭ kyar hăng sĭ mơdrô pơ tač rơngao” anai lĕ tơlơi pơsit tong mơng Kơ-iăng khua ding jum ngă hmua hăng pơđĭ kyar ƀon lan Phùng Đức Tiến amăng mông jơnum hăng ƀing čih tơlơi pơhing tui tơđar blan 9 laih rơgao hơmâo pơphun ƀơi Hà Nội.

VOV4.Jarai - Hơdôm thun giăm anai, anom bruă anet mơ̆ng sang bruă prăk Ngă hmua hăng Pơđĭ kyar ƀôn lan ƀơi Dak Lăk hơmâo pok prong truh pơ hơdôm boh plơi pla kual ataih, asuek, kual mơnuih ƀôn sang djuai ƀiă. Ră anai hơmâo truh 10 rơbâo boh sang anŏ djuai ƀiă čan rơbêh kơ 2 rơbâo klai ƀơi hơdôm sang bruă anet mơ̆ng Agribank Dak Lăk. Yua hơmâo prăk anai mơn, mơnuih ƀôn sang dưi wai lăng phun pla, rông gơnam djơ̆ bơyan, huăi čan prăk kơmlai lu tui mơ̆ng hlâo dong tah.

VOV4.Jarai-Jơnum min mơnuih ƀôn sang tơring čar Dak Lak jơnum pơbut 3 thun ngă tui akŏ bruă pơđĭ kyar bơwih ƀong huă lu khul ngă hrŏm, juăt lăi ngă ƀong hrŏm HTX mơ̆ng thun 2021-2025 hăng Hơdră ngă hrŏm mơ̆ng Jơnum min mơnuih ƀôn sang tơring čar ngă tui hră klah čun mơ̆ng Ding jum kơđi čar, pơblih phrâo, pơđĭ kyar hăng pơđĭ boh tŭ yua khul ngă ƀong hrŏm.

VOV4.Jarai-Ƀơi tơring čar Kon Tum, mơnuih ngă hmua glăk kiăng glông hrĕ apui lơtrik 3 pha kah dưi pơđuăi hơdôm boh măi mok pơprong djru amăng ngă hmua. Samơ̆, ƀơi hơdôm kual đang hmua jơlan găn nao rai juăt ataih mơng plơi pla, prăk tuh pơ alin dăng nao hrĕ apui lơtrik 3 pha lu biă mă yua anun gong gai hăng gơnong bruă apui lơtrik tơring čar Kon Tum aka ƀu hơmâo prăk tuh pơ alin. Tơlơi anai glăk ngă kaih amăng jơlan gah tui hơnong pơkă pơplih tuh tia pơkra pơjing, hăng ngă đang hmua amăng tơring čar.

VOV4.Jarai-Pơblih yua mrô amăng bruă ngă hmua pla pơjing jai hrơi lu mơnuih ƀôn sang ngă tui, anom bruă wai lăng mơ̆ng kơnuk kơna ƀơi Dak Lak đing nao hrŏm mơ̆n. Mơ̆ng anun, kiăng pơblih hơdră ngă hmua pla pơjing, pơhrŏ ƀiă rơnoh prăk tuh pơ alin mơ̆ng mơnuih ƀôn sang, pơđĭ tui rơnoh pơhrui glăi, djru pơđĭ kyar bơwih ƀong huă amăng plơi pla.