VOV4.Jarai – Amăng angin rơ-ơ̆ mơ̆ng hơdôm blah hmua pơdai mơtah hlê̆, mơnuih ƀôn sang să Ia Mơ, tơring glông Čư̆ Prông, tơring čar Gia Lai glăk mơ-ak hăng pơdah hmâo lu bôh. Tơdơi kơ lu thun kơnong kơ tơguam kơ ia hơjan, gơñu hơdai nao ngă 2 bơyan sa thun, đa 3 bơyan sa thun, ba glăi tơlơi hơdip mơda jơnap hăng trơi pơđao.

VOV4.Jarai-Hăng boh tŭ yua mơng bơwih ƀong huă lu hloh hăng tơlơi črâo ba, gum djru hmao tlôn mơng ƀôn lan, hơdôm đang hmua pla phun kyâo boh troh amăng tơring čar Kon Tum hơmâo pok prong tañ hloh.

VOV4.Jarai - Hơdôm wơ̆t hơjan hlâo yôm hloh kơ mah, djru ba lu mơnuih ngă hmua pla kơphê ƀơi Gia Lai plai ƀiă laih bơngơ̆t yua phang khot amăng lu blan rơgao. Khă hnun, ră anai, lu đang kơphê glăk amăng bơyan pơadai boh jing hơmâo hlăt kơdom ƀong. Adai pơplih phara anun ngă kơ hlăt kman ƀong kơphê jai hrơi kơtang hloh.

VOV4.Jarai- Amăng hơdôm hrơi laih rơgao, ƀơi kual Dap kơdư hơmâo tŭ mă klă hloh hơdôm tơlơi dưi, tơlơi gal mơng kual, pơgôp ngă truh kih hrŏm amăng bruă sĭ mơdrô gơnam pơ tač rơngiao mơng dêh čar. Kual Dap kơdư jing kual pla pơjing gơnam đang hmua yôm, prong hloh, pơhrui glăi lu hloh, sit biă ñu phun kyâo boh troh. Samơ̆, dŏ lu tơlơi gun kiăng gơnam đang hmua mơng kual Dap kơdư dưi ba sĭ mơdrô pơ tač rơngiao.

VOV4.Jarai – Tơring glông gah guai dêh čar Sa Thầy, tơring čar Kon Tum hmâo abih bang mrô mơnuih ƀôn sang 54.000 čô mơnuih, amăng anun mơnuih djuai ania ƀiă hmâo rơbêh kơ 57%. Thun 2021 Ping gah tơring glông Sa Thầy mă yua Akô̆ bruă 07 kơ pơplih pơkra đang pla lu mơta, djru brơi, pơtô ba mơnuih ƀôn sang pla phun bôh troh pơđĭ kyar bơwih ƀong sang anô̆. Hăng tơlơi ngă bruă klă, nao dơlăm mơ̆ng gưl Ping gah, gong gai plơi pla hăng ngă gru ba jơlan hlâo, ba akô̆ mơ̆ng mơnuih ping gah ƀơi hơdôm bôh plơi pla, bruă pơplih pơkra đang pla lu mơta ƀơi Sa Thầy ba glăi bôh tơhnal klă, lŏn pla phun bôh troh prong tui tañ.

VOV4.Jarai – Hơdôm hrơi anai, mơnuih ngă hmua pơdai Dak Lak glăk yuă prah pơdai bơyan phang. Neh wa mơ-ak biă yua kơ hmâo sa bơyan pơdai hmâo lu bôh, hmâo nua yôm dong. Hăng rơbêh kơ 46.500 ektar hmua pơdai, pơkă hlâo Bơyan phang anai tơring čar Dak Lak yuă prah hmâo rơbêh kơ 240.400 tơn pơdai đĭ 7.000 tơn bơhmu hăng thun hlâo.

VOV4.Jarai - Mơ̆ng akŏ blan 5 truh kơ mông anai, nua kơphê trun mơ̆ng 135 klăk prăk/1 tơn jing 90 klăk/sa tơn. Ƀơi tơring čar Gia Lai, kơphê trun kơtang biă, ƀu ngă rơngiă prăk lu lơi hăng mơnuih ngă hmua, samơ̆ ngă kơ anom bơwih ƀong blơi hơdư̆ ƀiă yua bơngơ̆t.

VOV4.Jarai-Hrơi blan anai, mơnuih ƀôn sang pla boh vải thiều ƀơi tơring glông Ea Kar, tơring čar Dak Lak hlăk yak nao amăng bơyan pĕ boh pioh sĭ mơdrô. Thun anai, adai pơ-iă kơtang phang khôt ƀu lê̆ anŏ ôh, boh vải thiều pơkă hăng thun hlâo hrŏ hĭ. Khă tui anun, yua nua đĭ ƀiă, anih sĭ mơdrô hơđong, anun yơh mơnuih ƀôn sang pla boh vải thiều ƀơi Ea Kar ăt hơmâo kơmlai mơ̆n.

VOV4.Jarai-Tơring čar Lâm Đồng lĕ tơring čar ba jơlan hlâo đơ đam dêh čar amăng ngă hmua mă yua boh thâo phrâo. Hơdôm gơnam đang hmua amăng tơring čar hơmâo añăm tam, bơnga, kơphê…hơmâo ba hyu sĭ mơdrô amăng đơ đam dêh čar hăng pơ tač rơngiao. Kiăng ngă tui tơlơi gal anai kah hăng hrưn đĭ bơkơtưn mơng gơnam đang hmua amăng tơring čar, hrŏm hăng pla pơjing mă yua boh thâo phrâo, Lâm Đồng glăk pơtrut mă yua boh thâo phrâo amăng pla pơjing, pokra hăng sĭ mơdrô gơnam đang hmua hiam hơdjă, djơ̆ hăng tơlơi rơkâo jai hrơi prong tui mơng anih anom sĭ mơdrô amăng lŏn ia hăng tač rơngiao.

VOV4.Jarai-Ƀơi Hà Nội, Ding jum Bruă hmua hăng Pơđĭ kyar plơi pla jơnum “Pơtrut anŏ gêh găl ngă hrŏm amăng bruă ngă hmua” hăng hơmâo ƀuh ƀô̆ mơta hrŏm lĕ ƀing khua mua pơ ala gah bruă sĭ mơdrô hăng gah đang hmua hơdôm dêh čar ngă hmua rơgơi pơđĭ kyar hloh amăng rŏng lŏn tơnah.