Tui hăng tơlơi lăi pơthâo mơ̆ng Jơnum min mơnuih ƀôn sang tơring čar Dak Lak, truh blan 12/2024, tơring čar hơmâo ngă djop 103% đơ đam lŏn ngă hmua pơkă hơnơ̆ng, rơbêh 65% lŏn pioh yua bruă pơkŏn tui rơnoh kah pơpha, pơkă hơnơ̆ng amăng tơring čar. Tơring čar Dak Lak rơkâo pơkă glăi anŏ kiăng yua lŏn truh thun 2030 hăng pơhrŏ đơ đam lŏn ngă hmua trun 5.200ha hăng lŏn čuk jơlan 6000 ha....

Kơ bruă ngă tui tơlơi phiăn Lŏn mơnai thun 2024, tơring čar Dak Lak hơmâo čih pơkra 13 pok hră pơtrun. Khă hnun, tơring čar bưp tơlơi tơnap, yua tơlơi phiăn lŏn mơnai pơkă djuai lŏn phrâo, samơ̆ ƀu hơmâo tơlơi pơkă tŏ tui ba yua.Rơngiao kơ anun, bruă pơtong glăi 62 tơhnal pơkă yua lŏn aka ƀu hơmâo hơdră ngă rơđah rơđong ôh, anun tơnap pơkă hơnơ̆ng. Ƀơi mông mă bruă, yă Đoàn Thị Thanh Mai, Khua Jơnum min bơwih ƀong  mơ̆ng Sang bruă khua pơ ala mơnuih ƀôn sang dêh čar lăng yom tơlơi prăp lui hlâo mơ̆ng tơring čar Dak Lak amăng bruă pok pơhai bruă mă jao.