Rơbêh 100 čô ding kơna amăng Anom ngă ƀong hrŏm Ngă hmua hăng Bơwih bơwang Nam Yang (tơring glông Đăk Đoa) glăk čang rơmang bơyan ana amra hơmâo hơdôm klai prăl mơ̆ng 50 ha đang tiu mơboh lu. Ơi Nguyễn Tấn Công - Khua anom ngă ƀong hrŏm brơi thâo, mơ̆ng thun 2018 truh ră anai, anom bruă pơplih hơdră pla, pla plah tiu amăng đang kơphê đah mơ̆ng plai ƀiă huač prăk, hơđong mơn ƀơi anăp tơlơi rung răng ƀơi anih sĭ mơdrô. Hrŏm hăng anun, Anom ngă ƀong hrŏm pơtrut pơsur mơnuih ngă hmua mă yua boh thâo ngă hmua hơdjă, huăi mă jrao gun, pơhlôm dưi ba sĭ pơ čar rơngiao.

Anom ngă ƀong hrŏm pơtă kơ neh met wa ƀu dưi mă yua ia jrao kŏm yua amăng bruă ngă hmua. Ngă tui hơbô̆ bruă pla lu phun pla, pla pơplih nao rai huăi rơngiă lu prăk ôh samơ̆ pơhrui prăk lu tui. Yua pơplih hơdră ngă hmua lăp djơ̆, đang tiu ƀu pok prong tui hăng mơ̆ng hlâo dong tah, mơnuih ngă tiu ƀơi Gia Lai ăt hơmâo lu prăk mơn yua nua đĭ hăng tiu mơboh lu./.