Amăng hơdôm hrơi anai mơnuih ngă hmua ƀơi tơring glông Čư̆ Kuin, tơring čar Dak Lak glăk yak nao bơyan pĕ pơhrui tiu bơyan thun 2024-2025. Nua tiu đĭ giăm 160.000 prăk sa kĭ (anai lĕ nua lu hloh dong mơng thun 2016 truh ră anai) glăk pơtrut pơsur mơnuih ngă hmua hơđong tuh pơ alin lu ƀiă dong kơ phun tiu. Đơ đam tơring glông Čư̆ Kuin ră anai hơmâo giăm 4.700 ektar đang hmua pla tiu glăk amăng thun pĕ pơhrui, tiu pĕ pơhrui rơbêh 3,2 tơ̆n sa ektar, pơhrui glăi rĭm thun rơbêh 15.000 tơ̆n.

Tui ơi Nguyễn Cảnh Danh, kơ-iăng khua anom bruă ngă hmua hăng ayuh hyiăng lŏn mơnai tơring glông Čư̆ Kuin, tơring čar Dak Lak, hơdôm thun giăm anai, nua tiu đĭ kơtang ngă mơnuih ngă hmua hơđong tuh pơ alin pla pơjing. Hrŏm hăng anun djru brơi mơnuih ƀôn sang kơ bruă pơtop hrăm, gong gai ăt pơsur mơnuih ngă hmua anăm luh nao pla pok prong, tŏ tui tuh pơ alin pla tui jơlan gah hơdjă, hơđong kjăp.