VOV4.Jarai-Khua git gai ping gah ơi Tô Lâm nao čuă hăng git gai mông mă bruă hăng khul khua mua apăn bruă ping gah Ding jum Tơlơi phiăn kơ boh tơhnal git gai, pơčrâo ba ngă tui bruă mă jao kơ Ding jum mơ̆ng akŏ rơwang bruă ping gah truh ră anai hăng anăp či ngă bruă abih rơwang bruă ping gah tal XIII.

Ƀơi tơring čar Gia Lai ră anai hmâo 2 grŭp pơsur bruă đang hmua plơi pla dưi pơjing tui Akô̆ bruă pơphô hlâo mơ̆ng Ding jum đang hmua hăng pơđĭ kyar ƀôn lan. Hrŏm hăng anun, hmâo hơdôm pluh grŭp pơsur bruă đang hmua plơi pla ăt dô̆ mă bruă mơn ƀơi hơdôm bôh să. Khă hơdră phrâo hnuă, samơ̆ hơdôm grŭp pơsur bruă đang plơi pla ƀơi anai ăt glăi amăng ƀrư̆ ngă tui klă bruă mă mơ̆ng pô. Ƀơi yŭ anai lĕ tơlơi lăi nao bôh nik mơ̆ng pô hyu mă tơlơi pơhing phrâo gah črăn hơdră. Rơkâo ơi pang, yă dôn hăng ƀing gơyut hmư̆ hrŏm.

VOV4.Jarai - Hơdôm hrơi rơgao, lu anom mă bruă hrŏm ƀơi tơring čar Kon Tum hmâo khin hơtai tuh pơlai, mă yua bôh thâo phrâo, hơdră phrâo măi mok, bruă đang hmua yua hơdră phrâo pioh pla pơkra, sĭ gơnam. Mơ̆ng anun, djru pơtrut pơđĭ kyar bơwih ƀong, pơđĭ dlông mrô gơnam mă yua, bôh thâo bơkơtưn, bôh tơhnal bruă ngă đang hmua sĭ mơdrô kơ hơdôm bôh anom mă bruă hrŏm ƀơi tơring čar.

VOV4.Jarai-Hră pơtrun mrô 90 mơ̆ng Khua dêh čar kơ Hơdră ngă tui tơhnal dêh čar pơkă brơi pơhrŏ ƀun rin hơđong kơjăp mơ̆ng thun 2021-2025 dưi hơmâo djop glông bruă kơđi čar ƀơi Gia Lai pok pơhai ngă tui hơmâo boh tŭ yua biă mă. Hơdôm thun rơgao, sang bruă prăk gah đang hmua iâu klah čun Agribank pơdong ƀơi kual Ngŏ Gia Lai hơmâo ngă hrŏm tong ten biă mă hăng mơnuih ngă hmua, djru ba prăk čan hmao kru pơsir brơi tuh pơ alin ngă hmua pla pơjing, ming pơkra gơnam sĭ mơdrô, dưi pơklaih ƀun rin hơđong kơjăp.

VOV4.Jarai - Lơ 30/10, Ding jum đang hmua hăng pơđĭ kyar ƀôn lan dêh čar pơphun Jơnum pơtrut tuh pơplai kơ bruă đang hmua, plơi pla kual Dap Kơdư ƀơi tơring čar Gia Lai.

VOV4.Jarai-Yua pơtrut kơtang bruă mă, ba glăi boh tŭ yua mơng grup pơsur ngă hmua ƀon lan, mơnuih ƀôn sang hăng hơdôm anom bơwih ƀong hrŏm ƀơi tơring Dak Nông hơmâo mă yua hơdră pla pơjing pơhlôm gơnam hiam hơdjă hloh.

VOV4.Jarai-Lơ 28/10, ƀơi plơi prong Đà Lạt, tơring čar Lâm Đồng, Anom bruă pơsur ngă hmua dêh car gah Ding jum ngă hmua hăng pơđĭ kyar plơi pla jơnum bơkơtuai kơ tơlơi hơmâo mơnuih ngă hmua ba yua lu đơi ia jrao hlăt pruih kơ phun kơphê hăng lăi pơthâo hơdră khom duñ rơmet djah djâo, gêt ia jrao amăng đang hmua pla kơphê.

VOV4.Jarai-Huăi ƀuh arăng glŏm lui ča čot tơdơi kơ bơyan pơhrui, pông dơyan krô ră anai jing gơnam pioh pơkra gơnam yua hơdjă, pơhlôm wai pơgang ayuh hyiăng rơhuông adai, anai ăt lĕ gơnam ba sĭ mơdrô pơ tač rơngiao. Bruă mă mơng sa čô hlăk ai ƀơi Dak Lak pơgôp ba glăi rơnoh yôm phrâo brơi pông dơyan krô.

JARAI.VOV.VN - Jơnum min mơnuih ƀôn sang tơring čar Lâm Đồng phrâo pơphun Jơnum pơsit bôh tơhnal dưi ngă hăng hơdôm tơlơi tơnap amăng pơđĭ kyar tuai čuă lăng đang hmua. Lu Tơlơi akă gal glăk dưi hmâo tơring čar tañ pơsir pioh pơtrut djuai tuai čuă lăng đang hmua hmâo tơhnal găn rơgao lăng ngă pơhưč pran jua anai pơđĭ kyar lăp djơ̆ hăng tơhnal gal hmâo ră anai mơ̆ng tơring čar.

VOV4.Jarai - 2 thun rơgao, dong mơng hrơi ƀuh rơmô brung ƀơi tơring čar Lâm Đồng čroh kian hăng djai lu yua tlâ̆o vaccine bơbrah klit klut ƀơi klĭ mơng kông ti pơčruih ngăn pơkra ia jrao pơjrao hlô rông gơnong glông Navetco, bruă pơphun duh glăi kơ mơnuih ngă hmua ăt aka ƀu ngă tui. Ba truh tơlơi anai lĕ yua mrô prăk kiăng duh glăi mơng Kông ti anai rơkâo aset đơi yua anun mơnuih ƀôn sang ƀu tŭ ôh, lơm anun bruă rơmô ƀă kman hăng djai ăt tŏ tui ngă tơlơi bơwih ƀong huă kơ mơnuih ƀôn sang bưp tơnap tap.