Tơlơi pơkă anai yua Jơnum min mơnuih ƀôn sang tơring čar Dak Lak ba tơbiă kiăng đĭ tui rơnoh yôm mơng anăn apăn sĭ mơdrô, wai pơgang ba tơlơi đăo gơnang hăng tơlơi dưi mơng djop bơnah bơdjơ̆ nao. Tơlơi pơkă anai lĕ tơlơi yak nao phun amăng bruă pơjing anăn apăn kơphê Buôn Ma Thuột ƀu djơ̆ kơnong ƀơi anih anom sĭ mơdrô amăng lŏn ia đôč ôh mơ̆ ăt wŏt amăng rŏng lŏn tơnah dong.

Tơlơi pơkă lăi nao tong ten kơ bruă pơkă amăng uă pơkra, anung amăng adung hăng djă pioh kơphê kah hăng anăn apăn gơnam hơmâo glông črâo ba anih pla Buôn Ma Thuột. Kơnong kơphê Robusta hơmâo pla, pĕ pơhrui hăng pơkra amăng kual črâo ba hơmâo pơsit amăng plơi prong Buôn Ma Thuột hăng hơdôm kual jum dar mơng Dak Lak, lăp djơ̆ hăng hơnong pơkă hiam hơdjă tong ten, kah dưi mă yua glông črâo ba anih pla anai. Hơdôm khul grup, ƀing mơnuih dưi mă yua kiăng čih anăn hăng ngă tui tơlơi pơkă kjăp phun, mơng pla pơjing truh uă pơkra.