Pơhiăp pok pơphun mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn lăi, mông Jơnum pơ ala mơnuih ƀôn sang kơ ngă hrŏm mơnuih yua tơlơi Prang tal anai jing sa amăng hơdôm bruă mơ̆ng Ƀirô khua pơ ala mơnuih ƀôn sang pơhiăp tơlơi Prang tơdơi kơ Jơnum khua mua Paris.

Khua mua pơ ala mơnuih ƀôn sang Việt Nam čang rơmang mơ̆ng bruă djru ngă hrŏm mơnuih yua tơlơi Prang: pơtrut pơsur, dong yua bruă ngă hrŏm boh thâo, ia rơgơi, pơplih phrâo, pơčeh tơlơi rơgơi, bơwih ƀong mrô, pơphun bơwih ƀong, ngă hrŏm kơnuk kơna hăng mơnuih ƀôn sang; pơƀuh hyu tơlơi Prang, pơtrut hrăm hla tui gru grua boh thâo lu dêh čar; laih dong lăi nao tơlơi gir khŏm ngă mơ̆ng dêh čar pơhiăp tơlơi Prang amăng bruă đĭ kyar kjăp, pơhlôm dưm kơnar bruă đĭ kyar, lŏm lui rin rơpa hăng pơgang ba ayuh hyiăng anih hơdip.