Ră anai dêh čar Khač hmâo pơsit laih giăm truh 1.400 mrô kual pla hăng 188 mrô anih anom anung gơnam kơ Việt Nam. Ha mơkrah akô̆ thun anai, bruă sĭ gơnam kơ dêh čar arăng bưp tơnap yua kơ đing nao tơlơi dô̆ dôm glăi ia jrao Vàng Ô hăng Cadimi, lu tơlơi gum pơhiăp lăi lĕ kiăng biă pơjing anom pel ĕp sầu riêng ƀơi hơdôm kual hmâo lu sầu riêng.

Ơi Trần Minh Châu, pơ ala kơ Sang bruă bơwih ƀong mơnuih ƀôn sang pơsit anô̆ klă Vinacontrol, brơi thâo sang bruă hmâo ba tơbiă kơčăo bruă kơ bruă anai. Amăng mông jơnum, lu tơlơi gum pơhiăp lăi lĕ khom wai lăng kơjăp mă yua kơmok pruai, jrao pơgang phun pla hăng tañ pơjing anom pel ĕp ƀơi hơdôm kual phun. Ƀing pơ ala ăt rơkâo mơn ngă giong tơlơi pơkă kơ mrô kual pla, anih anom anung gơnan; pơtrut kơsem min, pơtô glăi hơdră mă yua măi mok, pơplih mrô amăng bruă pla, pơkra, djă pioh klă gơnam tam, hmâo nua yôm hăng pran bơkơtưn mơ̆ng gơnam ngă rai./.