
Kiăng mơnuih ƀôn sang, sit biă ñu hơdôm boh sang anŏ djuai ania ƀiă mut hrŏm pơkra glăi lŏn đang hmua, gong gai, khul grup amăng hơdôm boh plơi pla amăng tơring čar Kon Tum ngă tui klă bruă djru pơjeh phun pla, črâo brơi boh thâo pla pơjing hăng pơmut hrŏm hơdôm ngăn rơnoh mơng jơlan hơdră hơnong pơkă dêh čar kiăng djru brơi mơnuih ƀôn sang. Boh than ba glăi, truh blan 4 rơgao, đơ đam tơring čar Kon Tum hơmâo pơkra glăi rơbêh 3.480 ektar đang hmua kiăng pla sầu riêng, phun ƀơr, boh pơ-ŏ, makka, kơphê ƀudah hơdôm phun añăm tam, hơbơi pơtơi, boh troh…lăp djơ̆ hăng tơlơi gal mơng ayuh hyiăng lŏn mơnai amăng rĭm boh ƀon lan.

Sit biă ñu brơi ƀuh, bruă pơkra glăi đang hmua mơng sang anŏ djru brơi giăm 19.500 boh sang anŏ amăng tơring čar Kon Tum, amăng anun hơmâo rơbêh 16.500 boh sang anŏ djuai ania ƀiă pơplih tơlơi hơdip mơda rĭm hrơi hăng hơmâo dong tơlơi gal pơđĭ kyar bơwih ƀong huă amăng sang anŏ.
Viết bình luận