Hơdôm hrơi anai lu djuai klin ruă huĭ rơhyưt ƀơi pŭ hlô rông amuñ gluh đĭ, lar tưp hyu. Amăng hơdôm tơlơi tui anun, tơring čar Dak Lak glăk đing nao pơtrut kơtang hơdôm bruă pơgang, pơgăn klin ruă pioh pơgang pơhlôm bruă rông hlô, hơđong tơlơi hơdip mơda mơnuih ƀôn sang. Tơlơi lăi pơthâo glăi mơ̆ng Anom wai lăng bruă rông hlô hăng bruă ia jrao hlô mơnong tơring čar Dak Lak brơi ƀuh, ră anai tơlơi klin ruă ƀơi anai ngă glêh tơnap.

Kual gah Ngŏ tơring čar (tơring čar Phú Yên hơđăp) čih hmâo dong hơdôm anih klin ngă pơtah čroh ƀơi un, khom ngă gơnong bruă hăng mơnuih ƀôn sang čuh prai dor hĭ un ruă kiăng pơgăn lar hyu. Amăng 6 blan akô̆ thun, ƀơi tơring čar hmâo 6 čô mơnuih djai yua kơ asâo djơ̆ tuai kĕ, brơi ƀuh gru amra gluh đĭ tơlơi ruă djơ̆ tuai ăt lăp bơngot mơn. Yă Đặng Thị Thuỷ, Kơ-iăng Khua Gơnong bruă Đang hmua hăng Rơhuông adai lŏn mơnai tơring čar Dak Lak brơi thâo: Hrŏm hrŏm hăng bruă pơtrut kơtang klâ̆o pơgang hlôm hlâo, pơdjai kơman, gơnong bruă ăt hruă kơjăp mơn bruă dŭ pơgiăng, čuh tă añăm hlô, blơi sĭ hlô rông; hrŏm hăng anun pơtô brơi hơdôm bôh sang anô̆ rông hlô ngă tui bruă rông hlô pơhlôm sinh học, agaih rơmet war rông, thâo tañ hăng pơsir pơđut hơdôm anih klin ngă./.