Hlâo anun, ƀơi ƀut plơi 5 (să Lộc Quảng hơđăp), ră anai lĕ să Bảo Lâm 1, tơring čar Lâm Đồng ƀuh un sa boh sang anŏ djai hăng hơdôm nam ruă duam pơ-iă drơi, ƀu gưt ƀong gơnam, ƀu-ai buai. Anom bruă bơdjơ̆ nao ƀon lan ječ ameč pơčrang lăng, tui ĕp lăng ƀuh mrô un anai ƀă virus pơtah čroh ƀơi un yua anun hơmâo ba nao pơrai hĭ tui tơlơi pơkă pơgang klin kman. Lâm Đồng ră anai hơmâo abih tih un rông rơbêh 1 klăk 300 rơbâo drơi.

Kiăng pơhlôm brơi bruă  pơgang kman pơtah čroh ƀơi un, Jơnum min mơnuih ƀôn sang tơring čar Lâm Đồng rơkâo djop gơnong bruă, anom bruă bơdjơ̆ nao hăng Jơnum min mơnuih ƀôn sang hơdôm boh să, phường, kual lŏn phara amăng tơring čar gơgrong git gai, pok pơhai khut khăt, ha amăng plĕ, ngă tŭ yua amăng hơdôm hơdră pơgang kman; tum pơƀut djop ngăn rơnoh kiăng pơgang hĭ hơdôm anih hơmâo klin, anăm brơi lar hyu lu anih. Hră pơ-ar mơng Jơnum min mơnuih ƀôn sang tơring čar lăi rơđah: Khua Jơnum min mơnuih ƀôn sang hơdôm boh să, phường, kual lŏn phara glăm ba ƀơi anăp kơnuk kơna tơdah pơtah hơtai, ngă amưng, ƀu gơgrong amăng bruă git gai ngă kman pơtah čroh ƀơi un lar hyu lu anih, ngă rơngiă lu.