Anai arăng lăng lĕ kơđŏm glăi yôm phăn amăng tơlơi gir run ba kơphê Robusta Việt nam tŏ tui mut dơlăm dong amăng anih anom sĭ mơdrô Hàn Quốc kahg hăng mơnuih yua kơphê jơman jar kmar. Tui boh tơhnal hơmâo kĭ, dua khul hơmâo tŭ ư gum hrŏm pok pơhai hơdôm bruă pơsur sĭ mơdrô, pơlăi nao rai tơlơi pơhing sĭ mơdrô, pơlir bơwih ƀong sĭ mơdrô, djru pơđĭ kyar rơnoh yôm kơphê jơman. Hluai tui bruă ngă hrŏm, Khul kơphê Buôn Ma Thuột čang rơmang jơman dưi tŭ mă hơdôm anih anom sĭ mơdrô, hơdôm sang sĭ kơphê specialty hăng mơnuih blơi yua.

Amăng hơdôm hrơi jơnum, anăn apăn sĭ mơdrô kơphê jơman MISS EDE ăt hơmâo kĭ hră pioh hơdor ngă hrŏm hăng Coffee Myungga-asar kơphê jơman mơng Hàn Quốc hơmâo rơbêh 35 thun pơđĭ kyar. Ngă hrŏm đing nao bruă pơđĭ kyar djop mơta rơnoh yôm kơphê Robusta Việt Nam, mơng bruă ruah asar kơphê, pơđĭ kyar lăp djơ̆ tơlơi hor mơng mơnuih blơi yua Hàn Quốc truh pơ bruă ba sĭ mơdrô ƀơi hơdôm anih sĭ kơphê specialty, hơdôm anih sĭ kơphê hiam hơdjă hăng hơdôm plang sĭ mơdrô điện tử.