Mơ̆ng akô̆ thun truh ră anai Anom wai lăng bruă tơjŭ pla hăng pơgang phun pla, Gơnong bruă đang hmua hăng Rơhuông adai lŏn mơnai glai klô tơring čar Lâm Đồng hmâo mă laih 234 čơđeh sầu riêng pioh pơblang mrô jrao mă yua pơgang phun pla kah hăng Cd, Pb hăng pơsit mơnong pơčrăm. Bôh tơhnal anom čih pioh hmâo 4/78 čơđeh lĭ khă ƀu rơgao kơ rơnoh pơkă; 6/78 kual pla đôm Cadimi amăng anun 1 čơđeh hloh kơ rơnoh pơkă; 6/78 čơđeh đôm mơnong pơčrăm phun pla.

Đơ đam tơring čar ră anai hmâo 337 mrô kual pla sầu riêng sĭ kơ dêh čar tač rơngiao, rơđah biă ñu ƀơi kual 1 tơring čar Lâm Đồng hơđăp hmâo 197 mrô kual pla sầu riêng hăng rơnoh prong rơbêh kơ 8.000 ektar hăng 37 bôh anih anung gơnam; Kual mrô 2 tơring čar Bình Thuận hơđăp hmâo 26 mrô kual pla sầu riêng hăng rơnoh prong rơbêh kơ 1.300 ektar hăng 12 bôh anih anung gơnam; Kual mrô 3 tơring čar Dak Nông hơđăp hmâo 114 mrô kual pla sầu riêng hăng rơnoh prong rơbêh kơ 3.700 ektar hăng 4 abôh anih anom anung sầu riêng./.