Tui hăng yă Nguyễn Thị Ngân Hà, mă bruă ƀơi Anom pơkă pơčrang lăng hăng pơjrao brơi hlô mơnong, Anom bruă rông hlô mơnong hăng ia jrao hlô mơnong tơring čar Gia Lai, tơlơi klin ruă pơtah čroh ƀơi un glăk hmâo tơlơi pơplih lăp bơngot biă. Kơnong amăng 1 blan rơgao, Gia Lai hmâo čih pioh laih 5 anih klin ngă, abih bang hmâo rơbêh kơ 300 drơi un hmâo tơlơi ruă prai lui.

Yua anun, bruă wai lăng čuh tă, pơhlôm klă mơ̆ng un, jai dưi ngă tui tơpă. Gơnong bruă anai mơ̆ng tơring čar Gia Lai hmâo hăng glăk hmâo črâo ba hơdôm anih anom kơtưn pel ĕp, wai lăng ƀơi abih bang hơdôm anih anom čuh tă añăm hlô, ăt kah hăng hơdôm anih anom blơi sĭ añăm un, mơnŭ bip amăng đơ đam tơring čar. Pok pơhai bruă lăi pơhing dơlăm prong hơdôm bruă pơgang hlôm hlâo klin ruă truh mơnuih ƀôn sang, biă ñu hơdôm bôh sang anô̆ rông un./.