VOV4.Jarai - Tơring čar Dak Lak lĕ sa amăng 10 bôh tơring čar, ƀôn prong hmâo mrô sang anô̆ rông čim črang črah lu hloh đơ đam dêh čar. Tơring čar hmâo lu lŏn pơđĭ kyar hăng mrô sang rông čim ƀơi tơring čar ăt đĭ tañ mơn amăng hơdôm thun jê̆ hăng anai.

VOV4.Jarai - Dong mơ̆ng lu thun hăng anai, mơnong rơmô phang sa pơ-iă dưi lăng lĕ gơnam pơkra phara mơ̆ng tơring glông Krông Pa, anih anom ƀiă hơjan lu pơ-iă ƀơi tơring čar Gia Lai. Lu mơnuih ƀơi anai ƀu kơnong kơ pơjing anăn păn añăm mơnong phang sa pơ-iă ôh mơ̆, ñu dô̆ pơđĭ bruă pơkra añăm mơnong jing gơnam bơwih ƀong mơ̆ng rim sang anô̆ dong, djru pơđĭ kyar bơwih ƀong, mơnuih mơnam ƀơi anai. Pô hyu mă tơlơi pơhing gah črăn hơdră hmâo tơlơi čih lăi pơthâo

VOV4.Jarai - Hăng bruă mă yua hơdră ngă hmua pơdai mơ-ia hăng pơdai thu khuă plah nao rai, mơnuih ngă hmua ƀơi lu kual ngă hmua pơdai hmâo dong kơmlai mơ̆ng bruă sĭ mrô carbon. Ƀơi tơring čar Dak Lak, tơdơi kơ thun blung a mă yua lông lăng hăng truh kih hăng hơdră anai, tơring čar hmâo laih kơčăo bruă pioh pơhư prong amăng hơdôm thun pơ̆ anăp. Kơnong bơyan pơdai phang 2024-2025 pơ̆ anăp anai lŏn ngă hmua pơdai tui hơdră phrâo dưi pơhư prong truh 500 ektar.

VOV4.Jarai - Thun 2024, Gơnong bruă đang hmua tơring čar Dak Lak hmâo dong hơdôm bôh tơhnal lăp djă pioh hăng pơhlôm akô̆ tlôn.

VOV4.Jarai-Hăng anŏ gêh găl ayuh hyiăng, lŏn mơnai glai klô rơ-ơ̆ rơ-iom, truh ră anai, ƀơi 3 boh tơring glông kual ataih, čư̆ siăng tơring čar Kon Tum, kah hăng : Kon Plong, Tu Mrông hăng Đak Glei hơmâo pơđĭ kyar rơbêh 4.100 hektar (ha) phun kơphê pla amăng anih ayuh hyiăng rơ-ơ̆. Boh tŭ yua dưi hơmâo mơ̆ng phun pla anai, djru kơ mơnuih ngă hmua tơring čar Kon Tum hlăk pok pơhư prong đơ đam pla pơjing, laih dơ̆ng hơmâo hơdră pơđĭ tui boh tŭ yua hiam hăng rơnoh pơhrui glăi lu kơ tơlơi bơwih ƀong huă mơ̆ng phun kơphê pla ƀơi kual lŏn mơnai glai rơ-ơ̆ amăng tơring čar.

VOV4.Jarai-Anom pơsur bruă ngă hmua-pơdjuai pơjeh phun pla hăng hlô mơnong rông laih anun djuai akan hơdang tơring čar Dak Lak jơnum pơƀut bruă mă tui Kơčăo bruă “Akŏ pơjing hơbô̆ bruă pla phun boh troh djơ̆ hơnơ̆ng pơkă VietGAP bơwih brơi bruă pơđĭ kyar anih ngă hmua pla boh troh anăp nao ĕp ĕp anih anom sĭ mơdrô hơđong ƀơi hơdôm tơring čar amăng kual Dap Kơdư mơ̆ng thun 2022-2024.

VOV4.Jarai-Ƀơi plơi prong Sóc Trăng, Ding jum ngă hmua hăng pơđĭ kyar ƀon lan gum hrŏm hăng hră pơhing hlăk ai hăng Jơnum min mơnuih ƀôn sang tơring čar Sóc Trăng pơphun jơnum “Pơjing anăn apăn sĭ mơdrô dêh čar brơi kơ braih Việt Nam”.

VOV4.Jarai-Hrơi blan hăng anai, mơnuih ngă hmua ƀơi Dak Lak hlăk dŏ pĕ kơphê. Kiăng pơhlôm kơphê hiam asar lôm tŭ yua, pơđĭ kyar anom bruă kơphê hơđong kơjăp, lu mơnuih ngă hmua amăng tơring čar đing nao biă mă bruă pơgang kơphê tơsă djop kah pĕ, sa amăng hơdôm anŏ pơsit boh tŭ yua hiam gơnam kơphê sĭ mơdrô hơmâo rơnoh yom.

VOV4.Jarai - Tom brơi (10/12), kơphê Robusta pơkra phara mơ̆ng Việt Nam hmâo jao laih pri dlông hloh amăng tal pơplông “Cup Odjeta Swan 2024".

VOV4.Jarai - Hăng anô̆ gal gah ayuh hyiăng hăng lŏn drŏn phara mơ̆ng kual lŏn drŏt, Gia Lai glăk ƀơƀrư̆ pơtŏng sit anih gơgrong lĕ sa amăng hơdôm anih anom ngă đang phun bôh troh ba jơlan hlâo ƀơi Dap Kơdư. Ră anai, tơring čar hmâo pơlar laih năng ai ñu 34.000 ektar đang phun bôh troh hăng mrô pơhrui hmâo rơbêh kơ 500.000 tơn sa thun, hăng hơdôm kual ngă đang phun bôh prong djop mơta phun pla kah hăng sầu riêng, bôh kruăi hrĕ, pơtơi... Tơlơi lăp lăi lĕ amăng bruă ngă đang hmua, gơnong bruă đang hmua glăk amăng ƀrư̆ pơjing brơi mơnuih ngă đang hmua hăng anom bơwih ƀong nao hrŏm pioh mă yua hơdôm bôh thâo phrâo hơdră măi mok klă hăng lŏn drŏn, pơjing rai jơlan pơlir hơbit amăng bruă ngă đang hmua hăng anăp nao sĭ kơ dêh čar tač rơngiao.