Amăng mrô 624 ring bruă ba ia yua hơdjă amăng kual plơi pla ƀơi tơring čar Lâm Đồng, ră anai kơnong 285 ring bruă đôč hơđong, dŏ mă bruă hăng tŭ yua, rơbêh 40 ring bruă, mă bruă ƀu tŭ yua hăng giăm 300 ring bruă pơdơi hlao ƀu ngă bruă dơ̆ng tah. Yua hơgĕt hơmâo hĭ tơlơi anun, bruă man pơdong ring bruă ba ia yua hơdjă amăng kual pliơ pla hăng ƀu hơmâo ia či yua ƀudah pơdơi hlao ƀu thâo yua, tơbiă rai mơ̆ng bruă git gai wai lăng tơdu ƀu thâo bruă.

Tui hăng ơi Lê Trọng Yên, Kơ-iăng khua jơnum min mơnuih ƀôn sang tơring čar Lâm Đồng, kiăng kơ hơdôm ring bruă ba ia yua anun amăng kual plơi pla dưi ngă bruă klă hloh, rơngiao kơ bruă pơhlom pơgang na nao djơ̆ hrơi blan pơkă, gong gai kơnuk kơna plơi pla khom akŏ pơjing bruă mă git gai wai lăng djơ̆ hơdră tong ten hloh.