Bơyan pĕ kơphê thun 2025-2026 ƀơi Dak Lăk glăk pơphun amăng hrơi adai ƀu lăp ôh, hơmâo hơjan sui hăng ia dăo. Kiăng pơhlôm asar kơphê klă, sa mơta gơnam yom hloh mơ̆ng tơring čar, Jơnum min mơnuih ƀôn sang tơring čar dak Lăk hơmâo ngă hră Pơčrâo trun bruă pla, pĕ pơhrui, pơkra hăng ba sĭ kơphê bơyan 2025-2026, pơhlom tŭ yua, hơmâo nua, kơphê klă, jơman hăng pơđĭ tui bruă ngă kơphê tui jơlan hơđong kjăp.

Jơnum min mơnuih ƀôn sang tơring čar Dak Lăk lăi dlăm kiăng pĕ kơphê tơsă, pơhlom anŏ klă, anŏ jơman, khut ƀu yua adai hơjan ia dăo ôh mơ̆ pĕ boh mơtah. Hơdôm boh tơring hơmâo git gai hyu pôr pơthâo kơtang tui, iâu mơnuih ngă hmua ƀu dưi pĕ kơphê mơtah, lăng klă bruă blơi kơphê, ƀu brơi blơi kơphê mơda, ƀu thâo anih pla, ƀu pơhlom anŏ klă. Jơnum min mơnuih ƀôn sang tơring čar Dak Lăk ăt kiăng tơhan kông an pơhlom rơnuk rơnua amăng bơyan pĕ kơphê, pơgăn hlâo, kiăo mă ƀing hyu klĕ dŏp kơphê, pơgăn jơlan kiăng ƀing mơdrô brơi prăk kah mơ̆ng brơi nao blơi, hyu lăi mă ča nua kơphê.