Amăng tal hơjan ia ling dăo rơnuč blan 11 rơgao, kual pla añăm tam phun amăng tơring čar Lâm Đồng răm rai kơtang hloh. Hrŏm hăng hơdôm rơbâo ektar đang pla añăm tam, hơbơi pơtơi, boh troh glăk amăng bơyan pơhrui răm rai lĕ sang mơnil, sang păng ñuôl ia kor đuăi ngă kơ bruă rŭ pơdong glăi bruă pla añăm tam bưp lu tơnap tap. Răm rai kơtang lĕ ƀơi hơdôm kual pla añăm tam, hơbơi pơtơi, boh troh ter hang ia krông Dă Nhim găn nao hơdôm boh să D’ran, Ka Đô, Đơn Dương, Quảng Lập amăng tơring čar Lâm Đồng.

Hrŏm hăng đang pla añăm tam glăk pơhrui, ăt ƀuh răm rai kơtang mơn hăng mơnuih pla añăm tam yua boh thâo phrâo amăng kual anai yua sang mơnil, sang păng ñuôl tuh pơ alin brơi 1.000 met karê truh hơdôm rơtuh klăk prăk. Ƀơi anăp kơ anŏ răm rai mơng mơnuih pla añăm tam, gơnong bruă ngă hmua hăng gong gai ƀon lan hơdôm boh să amăng kual pla añăm tam phun amăng tơring čar Lâm Đồng ăt hơmâo pok pơhai bruă pơsur ngă hmua, djru čan prăk ngă hmua kiăng djru brơi mơnuih ngă hmua hơkrŭ glăi bơwih ƀong.