Khua git gai Ping gah să livestream sĭ boh sầu riêng, ngă lar hyu pran jua pơplih phrâo mơng ƀon lan
Thứ hai, 10:14, 25/08/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Mông livestream lăi pơthâo hăng sĭ boh sầu riêng mă anăn Ami Kâo-“Sầu riêng mơng amĭ” ƀơi să Ea Knuêc, tơring čar Dak Lak hăng tơlơi mut hrŏm mơng Khua git gai Ping gah să yă Ngô Thị Minh Trinh hrŏm hăng neh met wa ngă hmua, mơguah (24/8), pơphun hiam klă, ngă lar hyu pran pơplih mơng ƀon lan.
Tơlơi truh kih mơng mông livestream ƀu djơ̆ kơnong mơng hơdôm rơbâo čô mơnuih kiăo tui lăng đôč ôh mơ̆ ăt lĕ pơdah hăng 3,8 klai prăk mơng hơdôm anom bơwih ƀong sĭ mơdrô djru brơi să Ea knuêc amăng pơjing hăng pơđĭ kyar bruă pla sầu riêng hơđong kjăp. Anai lĕ ngăn rơnoh yôm phun djru hrưn đĭ rơnoh gơnam ngă hmua hăng hơkrŭ pran đăo gơnang mơng mơnuih ƀôn sang hăng tơlơi gum hrŏm mơng gong gai.
Ƀu djơ̆ kơnong dŏ glăi amăng bruă lăi pơthâo gơnam đang hmua, tơlơi anai hơmâo pơdah pran thâo pơmĭn khĭn ngă, jê̆ giăm mơnuih ƀôn sang mơng ƀing apăn bruă lơm Dak Lak glăk pok pơhai hơbô̆ bruă gong gah dua gưl. Anai ăt lĕ tơlơi pơdah tong ten brơi pran gir run “pơmĭn djơ̆, lăi tơpă, ngă biă, ba glăi tŭ yua, mơnuih ƀôn sang tŭ mă tơlơi dưi”.
Viết bình luận