Dak Lak wai lăng kjăp bruă pơkra pơjing, plơi pơhrui sầu riêng bơyan thun 2025 tui hơnong pơkă sĭ mơdrô pơ tač rơngiao
Thứ hai, 10:48, 18/08/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Jơnum min mơnuih ƀôn sang tơring čar Dak Lak phrâo hơmâo tơlơi črâo trun kơ bruă pơkra pơjing, blơi pơhrui boh sầu riêng bơyan thun 2025, rơkâo pok pơhai ha amăng plĕ hơdră pơhlôm pĕ pơhrui, pơkra pơjing, blơi pơhrui djơ̆ hơnong pơkă sĭ mơdrô pơ tač rơngiao.
Tui anun, Khua Jơnum min mơnuih ƀôn sang să, phường kiăng wai lăng đang hmua pla phrâo, wai lăng mrô kual pla, anih anung gơnam, pơgăn bruă blơi sầu riêng dŏ mơda. Hơnong pơkă: 125-135 hrơi hăng sầu riêng Dona, 110-120 hrơi hăng sầu riêng Ri6. Hơdôm tơlơi ngă soh amra pơsir hĭ khut khăt.
Gơnong bruă ngă hmua hăng ayuh hyiăng lŏn mơnai hơmâo jao pơtrut bruă pơplih yua boh thâo phrâo amăng pel ĕp anih pla pơjing, kơtưn amăng bruă pơhlôm gơnam hiam hơdjă, dưm anih rơ-ơ̆ hăng pơkra pơjjing kiăng đĭ tui nua. Gơnong bruă sĭ mơdrô hăng tuh tia pơkra ming gơgrong amăng bruă gum hrŏm wai pơgang bruă blơi pơhrui, anăm trun nua đơi, laih dong pơtrut sĭ mơdrô, pơlir blơi pơhrui gơnam sĭ tui hơđăp hăng sĭ amăng plang điện tử.
Viết bình luận