Mơ̆ng lơ 30/10 truh lơ 3/11, ƀơi Jeonbuk, dêh čar Hàn Quốc, jơnum pơdă gơnam sĭ mơdrô mơnong ƀong huă, ia mơñum hơmâo đĭ tơpơi asơi anih djơ̆ hnơ̆ng jar kmar IFFE 2025. Anai lĕ tal jơnum ĕp anih sĭ mơdrô prong hloh amăng bruă lăi pơthâo mơnong ƀong huă hơmâo đĭ tơpơi asơi anih, ƀudah pơjing mơnong ƀong huă ngă pơsăm lăi pơthâo ƀơi Hàn Quốc. Tơring čar Dak Lak hơmâo 6 boh sang bruă mơdrô ba gru hlâo ba nao pơdă, lăi pơthâo gơnam boh čroh mơ̆ng đang hmua juăt ƀuh kah hăng kơphê, asar boh makka, braih Briêt, pơtơi, boh kakao hăng hơdôm mơta gơnam sĭ mơdrô djơ̆ hnơ̆ng OCOP. Djop čơgăn gơnam sĭ mơdrô ƀơi tơring čar lĕ pơhưč ƀing tuai nao ĕp lăng, hơduah tơña hăng blơi.3

Bruă ba pơdă gơnam sĭ mơdrô hrŏm jar kmar kah hăng IFFE ƀu kơnong kiăng pôr pơthâo rup rap kơ Dak Lak đôč ôh, dŏ pok pơhư prong bruă ngă hrŏm tuh pơ alin, ba gơnam sĭ mơdrô mơ̆ng đang hmua anŏ juăt hơmâo ƀơi tơring čar kiăng ba nao pơ ataih hloh, anih anom sĭ mơdrô ƀơi jar kmar.

Pơdă gơnam sĭ mơdrô pơsăm ƀudah pơđĭ asơi anih lăp djơ̆ hnơ̆ng jar kmar IFFE thun 2025 lĕ mông gêh găl pioh kơ tơring čar Dak Lak lăi pơtong, gơnam sĭ mơdrô mơ̆ng boh čroh đang hmua hơmâo phara hơjăn, laih dơ̆ng pok prong tơlơi rô nao rai ngă bruă sĭ mơdrô hăng tuh pơ alin plah wah Dak Lak hăng Jeonbuk lăi pha, plah wah Việt Nam hăng Hàn Quốc lăi hrŏm.