VOV.Jarai - Ayuh hyiăng, adai pơplih jai hrơi phara, anun yơh kiăng mơnuih ngă hmua ruah mă hlô rông, djuai phun pla lăp djơ̆ hăng lŏn tơnah, ayuh hyiăng, laih dong hơduah ĕp anŏ yom, prăk kăk pơhrui glăi lu ƀiă mơ̆ng gơnam pơkra rai. Ƀơi kual čư̆ siăng tơring čar Khánh Hoà, bruă rông bê pơlir hăng bruă čơkă tuai hyu čuă lăng anih anom, đang hmua glăk hơmâo ngă tui djơh anun. Ƀu kơnong hơmâo prăk mơ̆ng hlô rông đôč ôh, mơnuih ƀôn sang anăp nao pơjing rai kual rông pla pơƀut sa djuai đôč, hơmâo anih kiăng ƀing tuai hyu sem lăng, hơmâo gơnam hmư̆ hing amăng anih anom glai čư̆, gru grua mơ̆ng plơi pla.

VOV.Jarai - Ƀơi phường Pleiku, tơring čar Gia Lai, Sang bruă pơsur ngă hmua Dêh čar jơnum pơčrông sai bruă čih pơkra hăng bong kjăp mrô pơčrâo anih pla, mrô anih anung gơnam ba sĭ. Tơdơi kơ giăm 2 blan ngă tui Hră pơtrun mrô 36 mơ̆ng Kơnuk kơna, đơ đam čar ta hơmâo brơi phrâo 787 gru mrô anih pla, hră pơ-ar, hrơi blan brơi mrô pơčrâo anih pla hăng anih anung gơnam ba sĭ hơmâo ngă amuñ tui laih.

VOV.Jarai - Sâu riêng jing sa amăng hơdôm djuai phun pla hơmâo nua pơmă, pơhrui prăk hơmâo biă ƀơi kual Dap Kơdư. Khă hnun, kiăng pơđĭ tui anŏ yom mơ̆ng gơnam tam laih anun pok prong tui anih ba sĭ, biă ñu lĕ anih blơi sĭ pơ tač rơngiao, bruă kiăng ĕp ƀuh, thâo anih pla jai hrơi kiăng hloh. Amăng anun, mrô anih pla jing sa amăng hơdôm tơlơi yom đah mơ̆ng pơsit rơđah anih pla, pơkra gơnam.

VOV.Jarai-Anom bruă pơsur ngă hmua tơring čar Dak Lak phrâo pok anih črâo brơi boh thâo, pơdă prưng, lăi pơthâo gơnam đang hmua, boh thâo măi mok hăng pơplih mrô amăng ngă hmua; laih dong lăi pơthâo tơlơi pơsit akŏ pơjing 4 grup črâo ba boh thâo hăng tơlơi bơwih bơwang amăng pơsur ngă hmua. Hương Lý hơmâo tơlơi čih lăi nao tơlơi anai.

VOV.Jarai - Anom bruă pơtrut pơsur ngă hmua dêh čar hrŏm hăng hơdôm anom bruă bơdjơ̆ nao phrâo ba pơƀuh hơbô̆ bruă jao glăi boh thâo ia rơgơi ngă hmua hơđong kjăp. Ƀơi anih lông ngă lăng mơ̆ng Sang bruă boh thâo ia rơgơi ngă hmua pla kyâo Dap Kơdư, hơdôm rơtuh čô mơnuih ngă hmua, ƀing apăn bruă ngă hmua hăng mơnuih kơhnâo bruă hmua nao sem lăng hơbô̆ bruă pla sâu riêng hăng kơphê hla tui boh thâo kĭ thuâ̆t, kiăo tui ayuh hyiăng pơplih, laih anun tơlơi kiăng jai hrơi prong mơ̆ng dêh čar blơi gơnam.

VOV.Jarai-Ơi Lương Nguyễn Minh Triết, Khua git gai Ping gah, Khua khul pơ ala mơnuih ƀôn sang tơring čar Dak Lak hrŏm hăng grup hyu mă bruă amăng tơring čar pel ĕp sit nik kual him lăng pok prong kual pruih dong amăng akŏ bruă Dơnao pơkŏng ia Ia Mơr, amăng să giăm guai Ia Rvê.

VOV.Jarai - Dak Lăk glăk pơtrut tañ bruă sem lăng, pơmut boh thâo mrô hăng pơkă sit mrô anih pla, anung boh sâu riêng. Bruă pơmut djŏp tơlơi pơhing mơ̆ng kual ngă hmua truh pơ anih anung gơnam čang rơmang djru ba tơring wai lăng klă anŏ klă, hiam, ĕp ƀuh anih pla, pơkra gơnam laih dong djơ̆ hăng tơlơi kiăng jai hrơi prong mơ̆ng dêh čar ba nao sĭ.

VOV.Jarai-Hơdôm thun rơgao, mơ̆ng rơnoh prăk 3 Jơlan hơdră dêh čar djru, tơring čar Quảng Ngãi hơmâo pơtum tuh pơ alin pơđĭ kyar atur man pơdong, kiăng lăi čuk pơkra jơlan, man pơdong sang bruă, djru bruă ngă hmua pla pơjing, ming pơkra gơnam sĭ mơdrô hăng pơsir bruă mă djru mơnuih djuai ƀiă bơwih ƀong huă hăng kual čư̆ siăng hrưn đĭ pơklaih mơ̆ng ƀun rin hơđong kơjăp.

VOV.Jarai - Tlam tom brơi (15/9), ƀơi tơring čar Dak Lăk, jơnum “pơtruh hrŏm kiăng hơđong kjăp - Ngă hrŏm kiăng hrưn ataih hloh” kiăng pơtruh nao rai sit nik plah wah mơnuih ngă hmua, anom ngă ƀong hrŏm hăng sang bruă mơdrô sâu riêng.

VOV.Jarai - Tơdơi kơ sa blan ngă bruă “30 hrơi mlăm” pơmut boh thâo mrô anih pla, anih anung gơnam amăng hruh, Dak Lăk hơmâo pơmut boh thâo mrô năng ai 60% đang hmua hơmâo gru mrô anih pla hăng anih anung gơnam.