Rơwang thun 2021-2025, tơring čar Lâm Đồng pơƀut djŏp tơlơi hơmâo wơ̆t prăk kăk, mơnuih mơnam, pơmut hrŏm lu bruă bơwih ƀong phrâo amăng jơlan hơdră boh thâo ia rơgơi hăng mă yua boh thâo mrô. Bruă ngă anai pơhưč rơbêh 1.600 tơlơi pơčeh phrâo, kơčăo bruă bơwih ƀong ba pơplông ƀơi djŏp gưl. Tuč rơnuč ñu, 170 kơčăo bruă hơmâo tŭ yap gưl tơring čar, pơƀut gah bruă akŏ phun kah hăng ngă hmua mă yua măi mok ia rơgơi phrâo, pơkra gơnam mơ̆ng hmua hăng bơwih brơi tuai hyu ngui. Lu hơbô̆ bruă pơ ala brơi tơring čar Lâm Đồng mut pơplông hăng hơmâo pri apah bơni ƀơi kual, ƀơi dêh čar.

Ơi Võ Thành Công, Khua gơnong bruă boh thâo ia rơgơi tơring čar Lâm Đồng, brơi thâo, hơdôm bruă pơphun bơwih ƀong hăng djru bơwih ƀong ƀơi tơring čar glăk hơmâo ngă hăng lu bruă phara tañ biă mă.