Thun 2025, Gia Lai hơmâo năng ai 5.600 ha phun boh kruăi hrĕ, pơhrui hơmâo rơbêh 210 rơbâo tơn. Tơring čar hơmâo brơi 48 mrô pơsit kual pla ƀơi rơbêh 1.150 ha hăng 6 anih pioh, jĕp amăng kơthung či ba sĭ pơ čar rơngiao.

Ră anai, anom bruă pơkra boh kruăi hrĕ ăt hơmâo lu tơlơi ngă tơnap kah hăng: pơkra gơnam pơ anai aset pơ adih aset, ngă hrŏm aka ƀu kjăp, djuai phun aka ƀu kơnar, hlăt kman pơčrăm, prăk logistics lu đơi hăng tơlơi ngă tơnap gah boh thâo mơ̆ng EU, Mi, Japan hăng Khač. Ƀơi anăp tơlơi anai, Jơnum tal anai hơmâo lăi kiăng ngă giong ruăi pơtruh hrŏm, biă ñu hơbô̆ bruă “Anom mơdrô - Anom ngă ƀong hrŏm - Mơnuih ngă hmua” anăp nao “5 boh sang” hơmâo Kơnuk kơna - Anom mơdrô - Anom ngă ƀong hrŏm - Mơnuih ngă hmua - Sang bruă prăk. Ding jum bruă hmua hăng ayuh hyiăng pơsit, pơtruh ngă hrŏm jing bruă akŏ phun či pơđĭ tui bruă sĭ mơdrô, pơhno hăng arăng, pơtrut bruă ngă hmua đĭ kyar kjăp pơ anăp anai.