VOV.Jarai-Mơguah kơnôl 5/10, ƀơi tơdron rơdêh por jar kmar Cần Thơ, Anom bruă git gai ling tơhan kual 9 gum hrŏm hăng Tơhan wai pơgang rơngĭt adai-tơhan mơgăt rơdêh por laih dong hơdôm boh ƀon lan amăng kual lŏn dăo ia krông Cửu Long pơphun pơdŭ pơgiăng nao, jao 15.401 tơlang meh tơhan djai pơsăn drơi djru brơi bruă pơčrang ADN, ĕp brơi anăp krăn pô.

VOV.Jarai - Ƀơi hơdôm boh plơi, pla pơ kual ataih yaih pơ Lâm Đồng, bruă mă yua boh thâo mrô ƀu kơnong bruă măi mok, boh thâo ia rơgơi dong tah, jing bruă kiăng hơmâo mơnuih dŏ giăm ană plơi, thâo hluh hăng hơmâo ană plơi kơnang, hiăp ană plơi hmư̆. Hăng kơnuih hơdip klă, thâo hluh plơi pla, mơnuih hơmâo ană plơi kơnang glăk jing pô pơtruh brơi, ba tơlơi pơtrun mă yua boh thâo mrô pơ rim boh sang anŏ, djru ba mơnuih ƀôn sang djuai ania ƀiă ƀơ ƀrư̆ pơđing nao ia rơgơi phrâo, mă yua boh thâo mrô hăng pơplih hơdră bơwih ƀong. Pô hyu mă tơlơi pơhing phrâo Khoa Điềm, mă bruă ƀơi kual Dap Kơdư, hơmâo tơlơi čih: “Mơnuih ană plơi kơnang ngă pô pơtruh mă yua boh thâo mrô pơ kual taih taih ƀơi Lâm Đồng”.

VOV.Jarai-Mơguah kơnôl 5/10, ƀơi ƀut pơsat prong dor tơhan pơsăn drơi jăn yua kơ lơ̆n ia să Ba Động, khua mua ping gah, khua khul pơ ala mơnuih ƀôn sang, jơnum min mơnuih ƀôn sang, khul wai lăng djop djuai ania mơnuih mơnam să Ba Động hăng să Đặng Thùy Trâm, tơring čar Quảng Ngãi pơphun jơnum nao jôk mơyut, pơyua atâo 12 per tơlang tơhan pơsăn drơi.

VOV.Jarai-Yap mơ̆ng hrơi, kơnôl 23/6 truh ră anai, tơhan kơnuk kơna amăng grup hyu ĕp kuai đĭ tơlang tơhan djai pơsăn drơi hơmâo ƀuh 731 per ƀơi đang bơnga Lê Thị Riêng, phường Hoà Hưng, ƀôn prong HCM.

VOV.Jarai-Grup K52, anom bruă git gai ling tơhan tơring čar Gia Lai phrâo klơi rŭ đĭ sa boh pơsat tơhan djai pơsăn drơi hrŏm hăng lu gơnam yua ƀơi plơi Bình Thành, să Tuy Phước Đông, tơring čar Gia Lai.

VOV.Jarai-Ƀơi sang bruă khua pơ ala mơnuih ƀôn sang dêh čar, Jơnum min apăn bruă phun pơ ala mơnuih ƀôn sang dêh čar jơnum lok Sa, tal XVI, pơčrong sai, pơgôp hiăp kơ 17 mơta tơlơi phiăn yom him lăng či lăi pơthâo amăng mông jơnum abih bang ƀing pơ ala mơnuih ƀôn sang dêh čar lok dua. Tơlơi pơhiăp kiăng pơthâo brơi kơ abih bang thâo hluh rơđah, dưi hơmâo khua pơ ala mơnuih ƀôn sang dêh čar ơi Trần Thanh Mẫn lăi pơtong lĕ: Khua mua pơ ala mơnuih ƀôn sang dêh čar čih pơkra tơlơi phiăn pioh pơsir tơlơi hơmâo rim hrơi, pơgang tơlơi dưi hăng anŏ tŭ yua găl tơlơi phiăn kơ mơnuih ƀôn sang, pơsir hĭ anŏ gun, pơhluh brơi pran kơtang mă bruă, pok jơlan brơi anŏ pơđĭ kyar.

VOV.Jarai-Hơjan sui hrơi ngă glêh tơnap brơi kơ bruă klơi rŭ, mă meh tơlang ƀơi hơdôm boh pơsat kah hăng bruă hyu ĕp tơlang tơhan djai pơsăn drơi ƀơi tơring čar Lâm Đồng. Samơ̆, ling tơhan amăng tơring čar hơmâo pơgiong bruă ngă tơlang pioh pơčrang lăng ƀơi 11 boh pơsat, tañ ƀiă giăm 3 blan pơhmu hăng hrơi pơkă. Truh ră anai, rơbêh 3.600 meh tơlang tơhan aka ƀu thâo anăn krăn pô hơmâo jao glăi kiăng pơčrang lăng ADN, lơm anun bruă hyu ĕp, klơi pơƀut ăt glăk tŏ tui.

VOV.Jarai - Tơlơi hơdor mơ̆ng mơnuih dŏ hơdip, blah wang hăng mă bruă pơ Thành cổ Diên Khánh (Khánh Hoà) glăk jing “kru pơčrâo brơi” yom biă, djru ba ling tơhan hyu ĕp anih dor tơhan djai pơsăn drơi kơ lŏn ia. Mơ̆ng tơlơi hơdor lui, rim tơlŏn lŏn hơmâo kuăi đĭ, pok rai tơlơi čang rơmang ĕp ƀuh ƀing gŏp tơhan dŏ đom amăng lăm lŏn, dưi glăi hăng ƀing gŏp, glăi pơ sang anŏ.

VOV.Jarai - Ling tơhan să Ba Động, tơring čar Quảng Ngãi phrâo rŭ đĭ 3 per tơlang tơhan djai drơi kơ lŏn ia gah hlâo ia Nước No, plơi Ba Liên.

VOV.Jarai-Amăng jơlan hơdră pơtop hrăm, ĕp lăng sit nik ƀơi tơring čar Dak Lak, grup hyu mă bruă mơng Sang hră pơtô ling tơhan mă bruă hăng tơring čar Dak Lak kơ pơđĭ kyar bơwih ƀong huă-mơnuih mơnam pơlir hăng hơkrŭ kjăp wai pơgang rơnuk rơnua-hơđong.