VOV.Jarai-Kơnôl 16/9, Gơnong bruă Gru grua, Pơrơguăt drơi jăn hăng Tuai čuă ngui tơring čar Dak Lak ngă hrŏm hăng khua tơhan pơgang guai dêh čar tơring čar, jơnum min mơnuih ƀôn sang djop să kah hăng Ia Rvê hăng Ia Lôp, jơnum kơ bruă pôr tơlơi pơhing pơtom hiăp, pơtô pơblang kơ tơlơi dưi ngă pô ƀơi guai dêh čar thun 2026.

VOV.Jarai-Khul ling tơhan hơmâo ĕp ƀuh, rŭ kuai tơlang tơhan pơsăn drơi jăn ƀơi să Đặng Thùy Trâm, tơring čar Quảng Ngãi phrâo ĕp ƀuh 3 per tơlang ƀing tơhan djai pơsăn drơi jăn yua kơ lơ̆n ia hăng lu mơta gơnam djă pioh dŏ đôm glăi amăng drơi jăn tơlang atâo.

VOV.Jarai-Tơdơi kơ 90 hrơi pok pơhai, Bruă pioh hơdor tơngia tơhan djai pơsăn drơi jăn “Iâu anăn ƀing pơsăn drơi yua kơ lŏn ia-2026” tŭ mă rơbêh 11 klai prăk, lu giăm rơbêh 3,6 wŏt pơhmu hăng mrô pơkă blung a (3 klai prăk), dưm dưm giăm 70.000 wŏt mơnuih pơgôp.

VOV.Jarai-Khánh Hòa sơ̆n pran jua hyu jak iâu ƀing čơđai sang hră glăi hrăm hră mơ̆ng akŏ thun, laih dơ̆ng pok pơhai lu jơlan hơdră djru ba hăng tuh pơ alin man pơdong sang hră, anih hrăm kiăng ngă hrŏ ƀiă pleh ploh bruă pơtô hrăm ƀơi djop tơring, kual, ngă tui tum teč Hră pơtrun 71 mơ̆ng Ding jum kơđi čar kơ bruă pơđĭ kyar bruă pơtô hăng pơjuăt.

VOV.Jarai - Kơnôl 13/9, tơhan hyu ĕp, kuai rŭ đĭ tơlang tơleh tơhan ĕp ƀuh dong 11 per tơlang, ƀơi glông pơsat mrô 2, Kual A, Đang bơnga Lê Thị Riêng, pơđĭ tui mrô per tơlang hơmâo ĕp ƀuh pơ anai truh 627 per tơlang.

VOV.Jarai-Jơnum min  mơnuih ƀôn sang tơring čar Khánh Hòa phrâo pơphun Jơnum pơtŏng glăi bruă pok pơhai “Bruă mă 500 hrơi mlăm” hyu ĕp, kuai rŭ tơlang hăng pơsit anăn krăn pô tơhan djai yua kơ lŏn ia; pơƀut glăi bruă mă čơđeh tơlang ba pơčrang hăng pok pơhai bruă mă pơ anăp dong.

VOV.Jarai-Tơdơi kơ dăp glăi sang bruă kơnuk kơna, gong gai kơnuk kơna dua gưl, bruă mă yua kiăng tŭ yua sang bruă kơnuk kơna hăng kông ngăn čar dŏ rơbêh jing sa tơlơi mơnuih ruah khua đing nao hăng mơnuih ƀôn sang pơđing hmư̆. Ƀơi Gia Lai hăng Dak Lak, grup khua mua pơ ala mơnuih ƀôn sang dêh čar ƀơi tơring čar phrâo nao sem lăng tong ten hơdôm bruă anai. Mơ̆ng anun, djru pơtong rơđah tơlơi hơmâo, kiăng thâo krăn hơdôm tơlơi tơnap tap laih anun lăi pơthâo hơdră pơsir tŭ yua hloh hơdôm kông ngăn kơnuk kơna, huăi huač soh sel, rơngiă hĭ đôč.

VOV.Jarai-Tơdơi kơ rơbêh 2 blan pok pơhai, 100 boh sang pioh brơi mơnuih ƀôn sang amăng mông đuăi kơ ia lip ƀơi lu plơi pla amăng tơring čar Dak Lak hlăk man pơdong tañ giong amăng črăn tal rơnuč laih, amra ĕp lăng hăng jao mă yua djơ̆ hrơi pơkă amăng kơnôl 15/9, yua bơyan hơjan kơthel či truh laih.

VOV.Jarai - Ƀơi hơdôm boh plơi pla djuai ania ƀiă Dap Kơdư, bong kjăp rơnuk rơnua plơi pla ƀu kơnong jing bruă mơ̆ng ling tơhan, khul apăn bruă đôč ôh, ăt hơmâo tơlơi gum pơgôp mơ̆ng ƀing tha plơi, mơnuih ană plơi kơnang. Ƀơi Lâm Đồng, hăng tơlơi pơhiăp sit, ngă gru ba jơlan hlâo, gơñu gum  ba tơlơi pơtrun, tơlơi phiăn truh pơ rim boh sang anŏ, pơsir brơi kơđi bơrơdjơ̆ pơsao tañ, iâu pơthưr neh met wa bĕ hĭ ngă soh tơlơi phiăn, anăm ƀong ia bah arăng plư, pơčut pơčao ôh, gum hrŏm bong kjăp rơnuk rơnua mơ̆ng plơi pla mơtăm. Mơ̆ng hơdôm bruă ngă kret kruai samơ̆ sit nik, lăp djơ̆, tơlơi hơđong, rơnuk rơnua hơmâo bơbă tui rim hrơi amăng rim boh plơi pla, ƀon ƀut.

VOV.Jarai - Jơnum min mơnuih ƀôn sang tơring čar Gia Lai phrâo pơplih hơdră pơdong plơi phrâo kơ neh met wa amăng anih juăt ia dăo thun 2026.