Tui hăng Anom bruă git gai tơhan să Đặng Thùy Trâm, ƀing khua, ling tơhan hăng ƀing pơ ala kơ khua mua ƀon lan pơphun hyu ĕp ƀơi jum dar sang ia jrao Đức Phổ, jing ƀuh 2 per tơlang tơhan hrŏm hăng lu gơnam dor hrŏm. Hơdôm mơta gơnam hơmâo pơtui lĕ hla tăng, hrĕ kơsu, ao mơyo, apui kơđen pơčrang hăng thong brêng laih.

Hơdôm per tơlang hơmâo jap kơ Anom bruă gru grua - mơnuih mơnam să Đặng Thùy Trâm răk pioh tui hăng tơlơi pơtrun. Rơbêh kơ 6 blan ngă bruă 500 hrơi mlăm hyu ĕp, kuai rŭ hăng pơsit anăn krăn tơhan djai pơsăn drơi kơ lŏn ia, tơring čar Quảng Ngãi hơmâo ngă giong laih bruă mă čơđeh tơlang hăng 13.514 akŏ pơsat tơhan aka ƀu thâo krăn pô, tañ hloh akŏ bruă jao mơ̆ng tơring čar 45 hrơi, akŏ bruă jao mơ̆ng Gơnong dlông 5 blan. Laih dong, pơhrui hơmâo 4.929 čơđeh ADN sang anŏ tơhan djai, hơmâo rơbêh kơ 80%./.