Gia Lai ĕp ƀuh dơ̆ng 5 per tơlang tơhan pơsăn drơi ƀơi Ia Dom hăng An Nhơn Bắc
Thứ ba, 14:02, 03/11/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Amăng dua hrơi kơnôl 30 hăng 31/10 laih rơgao, ƀing tơhan kơnuk kơna tơring čar Gia Lai ĕp ƀuh dơ̆ng, rŭ kuai đĭ 5 per tơlang tơhan pơsăn drơi jăn yua kơ lơ̆n ia ƀơi să Ia Dom hăng phường An Nhơn Bắc yua mơnuih ƀôn sang lăi pơthâo pơčrâo brơi.
Anai lĕ dua anih ĕp ƀuh na nao amăng kual hơmâo pơsat sô, arăng dor tơhan djai pơsăn drơi jăn yua kơ lơ̆n ia.
Tui hăng Khul khua mua hơduah ĕp, rŭ kuai hăng pơsit anăn tơlang tơhan pơsăn drơi yua kơ lơ̆n ia tơring čar Gia Lai, mơ̆ng kơnôl 1/11/2025 truh kơnôl 31/10/2026, ƀing tơhan kơnuk kơna hơmâo rŭ kuai đĭ 102 per tơlang tơhan djai pơsăn drơi jăn yua kơ lơ̆n ia, amăng anun hơmâo 74 boh per tơlang ĕp ƀuh amăng dêh čar hăng 28 per tơlang ĕp ƀuh ƀơi dêh čar Kur.
Viết bình luận