VOV.Jarai-Dŏ kơnong rơbêh 10 hrơi hlâo kơ hrơi pơgiong, tơring čar Lâm Đồng glăk đing nao hloh, pơkiăo nao djop mơnuih mă bruă, măi mok, pơtrut tañ bruă man pơdong 2 boh sang hră kơnuk kơna čem rông ba gưl sa hăng gưl dua ƀơi să Thuận An hăng să Quảng Trực, gir run pơgiong hlâo kơnôl 30/8, tañ pok mă yua amăng thun hrăm 2026-2027.

VOV.Jarai-Hră pơtrun 246/2026/NĐ-CP mơ̆ng kơnuk kơna pơkă bơtơhmal tơlơi soh đŭ prăk amăng bruă mă akan hơdang dưi ngă tui mơ̆ng kơnôl 18/8, hơmâo tơlơi pơtrun phrâo hăng rơnoh đŭ prăk đĭ tui hăng lu tơlơi ngă soh. Kiăng mơnuih ƀôn sang mă akan hơdang thâo hluh tong ten bruă ngă, tơlơi soh glăi, lu tơhan anom bruă kơnuk kơna ƀơi Gia Lai nao tơl tơdrun kompan, tơdrun đĭ trun mă akan hơdang hăng anih jưh song nan, ƀattô pioh pơtô lăi. Anai lĕ bruă ngă kiăng khut khăt anăm brơi ngă soh glăi tơlơi pơkă IUU sit hyu mă akan hơdang mơ̆ng Gia Lai.

VOV.Jarai - Dêh čar ta glăk gum tơngan ngă bruă “500 hrơi mlăm hyu ĕp, kuai rŭ đĭ tơlang tơhan djai drơi hăng pơsit anăn krăn pô”. Ƀơi Quảng Ngãi, rơngao kơ tơlơi gir mơ̆ng anom apăn bruă, hơmâo sa tơlơi yom biă mă glăk pơčrâo brơi jơlan, pơtrut pơsur ngă mơak pran jua kơ lu boh sang anŏ. Anun jing hră čih pioh tơlơi pơhing mơ̆ng 181 čô tơhan djai ƀơi Sang ia jrao B23 mơ̆ng thun 1968, yua rơkơi bơnai ơi ia jrao Đào Ngọc Thạnh răk lui giăm 60 thun laih rơgao.

VOV.Jarai-Grup tơhan K52, Sang bruă khua git gai tơhan tơring čar Gia Lai ăt hyu ĕp klơi rŭ thim 2 per tơlang tơhan ƀơi plơi Sơr, să Ia Boòng, tơring čar Gia Lai.

VOV.Jarai-Či tlam kơnôl 13/8, git gai mông mă bruă hăng lu ding jum, anom bruă kơ hơdôm bruă mă phun mơ̆ng Khul git gai gưl dêh čar brơi hơduah ĕp, rŭ kuai, pơtong glăi anăn tơlang ƀing tơhan pơsăn drơi ( Khul git gai 515), Kơ-iăng khua dêh čar yă Phạm Thị Thanh Trà pơtrun hiăp, brơi ngă tañ čih pơmut mrô anăn tơhan pơsăn drơi, pơsat tơhan pơsăn drơi hăng ƀut pơsat dor hrŏm ƀing tơhan pơsăn drơi jăn yua kơ lŏn ia, kiăng ngă atur mrô bơwih brơi bruă hơduah ĕp, rŭ kuai hăng pơsit brơi anăn abih bang tơlang aka ƀu thâo pô.

VOV.Jarai-Prăp lui kơ thun hrăm phrâo 2026-2027, anom bruă pơtô hăng pơjuăt tơring čar Lâm Đồng hlăk pơtrut tañ ngă pơgiong djop črăn bruă, gơnam yua, khul nai pơtô hăng anŏ gêh găl či kiăng hloh, laih dơ̆ng pok pơhai lu hơdră dăp glăi khul sang hră djơ̆ anăp ngă hơbôt, tŭ yua hloh.

VOV.Jarai-Tơdơi kơ rơbêh 10 blan pok pơhai man pơdong, djop sang hră đôm lăm dua gưl ƀơi guai dêh čar či să Ia Lôp, Ia Rvê hăng Ƀuôn Đôn, tơring čar Dak Lak, man pơdong giong laih, amra hơmâo jơnum min mơnuih ƀôn sang tơring čar jao glăi, či mă yua hlâo kơ kơnôl 25/8 pơ anăp.

VOV.Jarai - Amăng bruă mă 500 hrơi mlăm hyu ĕp, kuai rŭ tơlang tơhan djai drơi kơ lŏn ia, mơnuih ƀôn sang pơ Khánh Hòa glăk gir gum ĕp, pơthâo tơlơi pơhing, ba jơlan kơ ling tơhan mơnuih apăn bruă hyu ĕp.

VOV.Jarai - Giăm hrơi mut sang hră laih, samơ̆ Sang hră kơnuk kơna čem rông tơring čar Lâm Đồng (gah tơring čar Bình Thuận hơđăp) ăt dŏ dơngok sang hră nua truh 61 klai prăk aka ƀu pơkra giong.

VOV.Jarai-Ngă tui “Bruă mă jak iâu 500 hrơi mlam pơtrut hmar hơduah ĕp, kuai mă hăng pơtong anăn mơ̆ng tơhan ƀing tơhan pơsăn drơi”, Khul khua git gai mrô 515 tơring čar Lâm Đồng hơmâo ngă giong laih bruă mă čơđeh meh tơlang pioh ba pơčrang ADN, tañ hloh 3 blan pơkă hăng akŏ bruă jao.