Tơlang pô tơhan djai pơsăn drơi jăn anai ĕp ƀuh ƀơi kual 6, să An Nghiệp, tơring glông Tuy An, tơring čar Phú Yên hơđăp, ră anai plơi Thế Hiên, să Tuy An Tây, tơring čar Dak Lak. Tơlang tơhan djai pơsăn drơi anai, hlăk dưm ƀơi kơnưl h'ŭ, arăng čuh ñang na nao ƀơi giăm pơsat dor tơhan djai pơsăn drơi Tuy An, să Ô Loan, tơring čar Dak Lak, tơguan nao jôk mơyut, pơyua atâo amăng hơdôm hrơi pơ anăp.

Anai lĕ tơlang tơhan djai pơsăn drơi jăn tal 40, amăng anun 6 per hơmâo pơsit anăn krăn pô, dưi hơmâo grup K51 hơduah ĕp, rŭ kuai đĭ amăng tal ngă tui 500 hrơi mlam pơtrut hyu hơduah ĕp tơlang tơhan djai pơsăn drơi jăn yua kơ lơ̆n ia, pioh pơtum ba pơčrang thâo anăn krăn pô.