Grup hyu ĕp, klơi pơƀut tơlang tơhan gah Anom bruă git gai ling tơhan tơring čar Khánh Hòa gum hrŏm hăng hơdôm khul ling tơhan hăng gong gai ƀon lan pơphun hyu ĕp ƀơi anih ngă hơkrŭ CK35, thôn Từ Thiện, să Phước Dinh. Mơng anun, anom bruă bơdjơ̆ nao hơmâo ĕp ƀuh, klơi rŭ đĭ dong 5 per tơlang tơhan aka ƀu thâo krăn anăn ƀơi kual CK35; laih dong klơi đĭ 4 per tơlang thâo krăn ƀơi hơdôm anih phara amăng să.

Hơdôm meh tơlang mơng 5 per tơlang ba nao pơčrang ADN. Tơdơi kơ klơi rŭ đĭ, hơdôm per tơlang hơmâo ba nao pơ Gong kut pioh hơdor tơhan să Phước Dinh; ƀon lan hăng ling tơhan tŏ tui ngă hră pơ-ar tui tơlơi pơkă, laih dong pok prong bruă hyu ĕp ƀơi hơdôm anih hơmâo tơlơi pơhing kơ anih dor tơhan djai pơsăn drơi.