- Hră pơhlôm nua mơnuih mơnam tui pô hor lĕ hơdră djru brơi hră pơhlôm nua mơnuih mơnam mơng Ping gah hăng Kơnuk kơna, yua kơ tơlơi dưi mơng mơnuih mă bruă hăng mơnuih ƀôn sang, hơmâo Kơnuk kơna wai pơgang, yua anom bruă hră pơhlôm nua mơnuih mơnam pok pơhai.

- Ƀing mơnuih dưi mut hrŏm: Mơnuih ƀôn sang Việt Nam mơng 15 thun pơ glông ƀu dong amăng grup mơnuih dưi mut hrŏm hră pơhlôm nua mơnuih mơnam khŏm ngă hăng ƀu djơ̆ mơnuih glăk tŭ mă prăk apah lơm pơdơi lơtret, tơlơi djru ba mơng hră pơhlôm nua mơnuih mơnam, djru brơi rĭm blan;

- Mơnuih mă bruă tui hră pơkôl mă bruă ƀu hơmâo hrơi blan ngă bruă tong ten, hră pơkôl mă bruă mơng djop 1 blan pơ glông hăng mơnuih apăn bruă glăk pơdơi jang jai ngă tui hră pơkôl mă bruă, hră pơkôl ngă bruă.

- Mrô prăk duh rĭm blan dưm dưm 22% mơng prăk apah jing mrô prăk amra duh. Lơm anun, mơnuih mut hrŏm hră pơhlôm nua mơnuih mơnam tui hor hơmâo ruah tui prăk pơhrui amra duh anun lĕ: Mrô ƀiă hloh pơhmu hăng hơnong pơkă sang anŏ ƀun rin kual plơi pla tui tơlơi pơkă; mrô lu hloh pơhmu hăng 20 wŏt mrô prăk apah.

- Bruă duh prăk: rĭm blan, 3 blan, 6 blan, 12 blan; duh 1 wŏt brơi hơdôm thun tơdơi anun (sui hloh 5 thun); ƀudah duh 1 wŏt brơi hrơi blan dŏ kơƀah (sui hloh 60 blan) kiăng djop tơlơi gal dưi pơdơi lơtret.

-Mơnuih mut hrŏm hră pơhlôm nua mơnuih mơnam tui hor hơmâo Kơnuk kơna djru brơi prăk duh tui ƀơƀiă (%) hluai tui mrô duh hră pơhlôm nua mơnuih mơnam rĭm blan pơhmu hăng hơnong pơkă sang anŏ ƀun rin kual plơi pla (hrơi blan djru brơi ƀu rơgao 10 thun (120 blan)). Mrô prăk djru brơi tong ten tui rĭm čô mơnuih tui anai:

- Djru brơi 50% hăng ƀing mơnuih sang anŏ ƀun rin; mơnuih glăk dŏ hơdip pơ hơdôm boh să bul pơtâo.

- Djru brơi 40% hăng mơnuih sang anŏ ƀun rin.

- Djru brơi 30% hăng mơnuih djuai ania ƀiă.

- Djru brơi 20% hăng ƀing mơnuih pơkŏn dong.

- Hăng ƀing tơhan djru wai pơgang rơnuk rơnua, hơđong ƀơi ƀon lan tui tơlơi pơkă amăng tơhnal pơkă a, tơlơi tal 2 Črăn 4 tơlơi pơtrun mrô 04/2024/NQ-HĐND kơnôl 20/6/2024 mơng Jơnum min pơ ala mơnuih ƀôn sang tơring čar Dak Lak: djru brơi 20% mrô prăk duh hră pơhlôm nua mơnuih mơnam rĭm blan tui hơnong pơkă sang anŏ ƀun rin kual plơi pla ala ƀon.

- Ƀing mơnuih mut hrŏm hră pơhlôm nua mơnuih mơnam tui hor lơm hơmâo djop tơlơi gal tui tơlơi pơkă, dưi tŭ mă hơdôm tơlơi djru ba tui anai:

- Tal sa, hơmâo djru ba lơm pi kian tui tơlơi pơkă.

- Tal dua, hơdră djru lơm pơdơi lơtret: hơmâo prăk apah lơm pơdơi lơtret lơm djop tơlơi gal kơ pơdơi bruă hăng djop thun blan duh hră pơhlôm nua mơnuih mơnam. Prăk apah lơm pơdơi lơtret hơmâo pơplih tui mrô blơi yua gơnam hăng pơđĭ kyar tơlơi bơwih ƀong huă.

-Tal tlâo, hră pơhlôm nua ia jrao: mơnuih mut hrŏm hră pơhlôm nua mơnuih mơnam tui hor lơm mă prăk apah pơdơi lơtret amra hơmâo anom bruă hră pơhlôm nua mơnuih mơnam pơkra brơi kak hră pơhlôm nua ia jrao yua soh sel.

- Tal pă, djru brơi mơnuih rơngiă: ƀing pô sang amra djru brơi prăk ngă mơyut jôk hăng djru ha wŏt tui tơlơi pơkă lơm mơnuih yua hră pơhlôm nua mơnuih mơnam rơngiă.

- Tal rơma, hơdră djru hră pơhlôm nua mơnuih mơnam ha wŏt: dưi tŭ mă tơlơi djru mơng hră pơhlôm nua mơnuih mơnam ha wŏt tui tơlơi pơkă.

- Tal năm, dưi tŭ mă prăk djru rĭm blan: lơm truh thun pơdơi lơtret samơ̆ aka ƀu duh djop 15 thun hră pơhlôm nua mơnuih mơnam hăng aka ƀu djop tơlơi gal kiăng tŭ mă prăk apah pơdơi lơtret, ƀu mă prăk mơng hră pơhlôm nua mơnuih mơnam ha wŏt mơ̆ hơmâo tơlơi rơkâo.

- Mut hrŏm hră pơhlôm nua ia jrao tui hor kiăng hơmâo prăk apah rĭm blan lơm pơdơi lơtret hăng bơwih brơi tơlơi suaih pral lơm tha rơma.

- Tơdah kiăng dong tơlơi pơhing hơget, kiăng nao bưp Anom bruă hră pơhlôm nua mơnuih mơnam tơring čar Dak Lak ƀudah hră pơhlôm nua mơnuih mơnam ƀơi ƀon lan, hơdôm khul grup djru mă prăk duh Hră pơhlôm nua mơnuih mơnam, hră pơhlôm nua ia jrao amăng ƀon lan kiăng črâo ba hăng pơsir hĭ./.

- Mrô telephôn iâu kiăng arăng črăo ba, djru brơi mơng hră pơhlôm nua mơnuih mơnam tơring čar Dak Lak: 0262 222 9799

Mrô telephôn mơng anom bruă hră pơhlôm nua mơnuih mơnam tơring čar hăng hơdôm boh ƀon lan

Mrô           Anom mă bruă                                                        Mrô telephôn

01              Hră pơhlôm nua mơnuih mơnam Lak                       0262.3586214

02              Hră pơhlôm nua mơnuih mơnam Krông Pač            0262.3528049

03              Hră pơhlôm nua mơnuih mơnam Krông Bông         0262.3732259

04              Hră pơhlôm nua mơnuih mơnam Čư M’gar             0262.3834198

05              Hră pơhlôm nua mơnuih mơnam Ƀuôn Đôn            0262.3789478

06              Hră pơhlôm nua mơnuih mơnam Ea Sup                 0262.3688174

07              Hră pơhlôm nua mơnuih mơnam Krông Năng         0262.3675479

08              Hră pơhlôm nua mơnuih mơnam Ea H’Leo             0262.3777309

09              Hră pơhlôm nua mơnuih mơnam Čư̆ Kuin               0262.3633939

10              Hră pơhlôm nua mơnuih mơnam Ea Kar                  0262.3626703

11              Hră pơhlôm nua mơnuih mơnam M’Dăk                  0262.3731396

12              Hră pơhlôm nua mơnuih mơnam Tuy Hòa                0257.3843936

13              Hră pơhlôm nua mơnuih mơnam Sông Cầu              0257.3692125

14              Hră pơhlôm nua mơnuih mơnam Tuy An                  0257.3778789

15              Hră pơhlôm nua mơnuih mơnam Phú Hòa                0257.3881179

16              Hră pơhlôm nua mơnuih mơnam Sông Hinh             0257.3858259

17              Hră pơhlôm nua mơnuih mơnam Sơn Hòa                0257.3861630