Kiăng kơ djop să hăng khua mua sang hră pơphun ba yua lông hlâo, prăp lui mă yua sit nik amăng thun hrăm phrâo 2026-2027. Yap truh kơnôl 12/8, ƀơi sang hră đôm lăm dua gưl Ƀuôn Đôn, să Ƀuôn Đôn, anom bruă kơnuk kơna hơmâo tơlơi dưi nao ĕp glăi djop črăn bruă tui hăng tơlơi phiăn pơkă.

Him lăng, ring bruă amra jao glăi kơ Jơnum min mơnuih ƀôn sang să Ƀuôn Đôn kơnôl 20/8. Hăng sang hră dua gưl  Ia Rvê, rơnoh bruă man pơdong giong laih truh 99%. Ră anai dŏ hơdôm črăn bruă anet đôč, ƀiă mơ̆n amra giong tañ, him lăng ĕp glăi amăng rơwang hrơi tơjuh pơ anăp. Sang hră đôm lăm dua gưl Ia Lôp bruă man pơdong kaih ƀiă samơ̆ ăt giong truh 96% laih rơnoh bruă. Him lăng, sang hră anai amra ngă giong amăng kơnôl 20/8, brơi ĕp glăi hăng jao tơdơi kơ anun 5 hrơi. Hơdôm sang hră đôm lăm dua gưl tơring čar Dak Lak dưi man pơdong tui tơlơi git gai mơ̆ng Ding jum kơđi čar. Anai lĕ anih hrăm hră, anih dŏ ƀong huă cem rông brơi kơ 3.100 čô čơđai sang hră ƀơi guai dêh čar tơring čar Dak Lak.