Kơčăo bruă tơlơi phiăn Lơ̆n đang čih pơkra glăi dưi hơmâo Kơnuk kơna rơkâo đĭ hơmâo 7 khul jơlan hơdră, amăng anun lăp đing nao tơlơi pơkă kơ prăk kăk lơ̆n mơnai hăng rơnoh yua lơ̆n. Tui hăng anun, rơnoh yua lơ̆n mơ̆ng Kơnuk kơna pơsit tui anŏ pơkă či yua, thun blan pơkă yua lơ̆n, tơlơi pơhing pơmut anăn hăng tơlơi phiăn pơkă pơdjơ̆ nao.

Hrŏm hăng anun, mrô rơnoh lơ̆n mơnai amra dưi pơtruh nao rai tơlơi pơhing, kah pơpha mrô rơnoh kiăng thâo kơ djop anom bruă, gơnong bruă. Bruă ngă anai dưi čang rơmang djru sa črăn sem lăng anih sĭ mơdrô, kiăng pơgăn tơlơi pơđĭ trun nua sĭ mơdrô, yua lơ̆n tă tăn, laih dơ̆ng pơkă hnơ̆ng ƀư̆ pơkra glăi bruă wai lăng rơnoh yua lơ̆n, duh jia prăk yua lơ̆n sa črăn amăng hơpluh. Kơnuk kơna ăt rơkâo đĭ pơkă hnơ̆ng tum teč rơđah rơđong hloh kơ rơnoh prăk yua lơ̆n, ngă atur mă jia yua lơ̆n; pơtong glăi rơnoh yua lơ̆n lơ̆m ngă anŏ pơčruh ngăn amăng sang bruă mơdrô yua kơnuk kơna ngă pô hăng jŭ yap rơnoh duh glăi lơ̆m Kơnuk kơna mă glăi lơ̆n.