Hơmâo ĕp ƀuh, rŭ đĭ sa per tơlang tơhan ƀơi Čư̆ Jŭ
Thứ năm, 11:01, 20/08/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Gong gai să Čư̆ Pui, Khul khua git gai tơhan să ngă hrŏm hăng Grup tơhan K51 (Sang bruă khua git gai tơhan tơring čar Dak Lăk) nao sem lăng, hyu ĕp, hăng rŭ đĭ sa per tơlang tơhan djai drơi kơ lŏn ia ƀơi Čư̆ Jŭ, dong amăng ruăi Čư̆ Yang Sin, să Čư̆ Pui, tơring čar Dak Lăk.
Mơ̆ng tơlơi pơhing yua ană plơi lăi pơthâo, ling tơhan nao lăng, pok prong anih hyu ĕp, laih anun ƀuh sa per tơlang hrŏm hăng lu gơnam. Tơlang anai hơmâo tơlang akŏ, kang, tơlang thông, tơlang tơngan hăng 8 boh tơgơi. Hơdôm gơnam hơmâo ĕp ƀuh anun lĕ ao hla tăng, kơdung pioh hră, hrĕ dăng kông, ia sô tơgơi...
Grup tơhan K51 mă laih čơđeh tơlang ba pơčrang ADN, pơsit anăn krăn pô. Per tơlang phrâo ĕp ƀuh hơmâo răk pioh klă, ngă yang ƀơi Pơsat tơhan să Krông Bông, tơring čar Dak Lăk, tơguan či ngă yang hăng ba pơyua. Anai jing tơlang tơhan tal 13 hơmâo Grup K51 ĕp ƀuh ƀơi tơring čar Dak Lăk mơ̆ng akŏ blan 6 truh kơ ră anai, amăng anun per tơlang tal 5 hơmâo ĕp ƀuh ƀơi tơring glông Krông Bông hơđăp./.
Viết bình luận