Anai lĕ ară jơlan glông hloh, găn nao kriang čư̆ hăng bruă man pơkra tơnap tap hloh, amra tơkuh nao rai dua bơnah. Akŏ bruă črăn tal 2, jơlan rơdêh đuăi hmar Quy Nhơn-Pleiku glông 68 km, mơng phương An Nhơn nao pơ să Đăk Đoa. Ară jơlan anai čuk pơkra 4 bơnah, abih tuh prăk tuh pơ alin rơbêh 27.500 klai prăk. Ơi Nguyễn Tự Công Hoàng, kơ-iăng Khua Jơnum min mơnuih ƀon sang tơring čar Gia Lai brơi thâo, yua găn nao kriang čư̆, hrŏm hăng hơjan hlim na nao ƀơi kual Dap kơdư, tơlơi rơkâo kơ bruă man pơkra brơi kjăp hăng rơnuk rơnua.

Kơ-iăng khua Jơnum min mơnuih ƀon sang tơring čar Gia Lai rơkâo anom bruă tuh pơ alin, hơdôm anom bruă man pơkra pơhlôm mơnuih mă bruă, măi mok, gơnam tam; pơphun man pơkra lăp djơ̆, laih dong gum hrŏm kjăp hăng djop ƀon lan kiăng pơtrut tañ pơhrui glăi lŏn mơnai, hmao tlôn pơsir hĭ tơnap tap, pơhlôm djơ̆ hrơi mông.