Khua pơ ala mơnuih ƀon sang dêh čar tal XVI pơčrông sai ƀơi sang jơnum kơ bruă pơmut 4 jơlan hơdră honong pơkă dêh čar rơwang thun 2026-2035
Thứ năm, 10:49, 20/08/2026
VOV/Siu Đoan Pơblang
VOV/Siu Đoan Pơblang
VOV.Jarai-Hrơi anai (20/8), tŏ tui Jơnum ƀu tui tơđar lok 1, Khua pơ ala mơnuih ƀon sang dêh čar tal XVI pơčrông sai ƀơi sang jơnum kơ bruă pơmut 4 jơlan hơdră hơnong pơkă dêh čar rơwang thun 2026-2035.
Ƀing khua mua hơmâo tơlơi bơtŭ ư hrŏm hăng tơlơi pơčrâo trun pơmut hrŏm kiăng huăi ngă luk puk, mă yua klă ngăn rơnoh hăng pơplih kơtang hơdai nao kah gưl, jao tơlơi glăm ba brơi ƀon lan. Samơ̆, bruă pơmut hrŏm ƀu djơ̆ kơnong dưm dăp, ngă pơplih ƀudah pơhrŏ trun hơdôm hơnong pơkă, laih dong mơnuih tŭ mă đôč ôh.
Hăng abih tih prăk mă yua him lăng rơbêh 808.000 klai prăk, khua pơ ala Nguyễn Văn Huy (Grup Hưng Yên) rơkâo ngă rơđah tơlơi dưi mă yua sit nik ngăn rơnoh mơng ƀon lan kiăng bĕ bruă tŭ mă tơlơi dưi phara kơplah wah hơdôm kual. Bơ khua pơ ala Siu Hương (Grup Gia Lai) rơkâo pơhrua boh tơhnal pơtop hrăm, hrưn đĭ tơlơi prap lui bruă mă, wai lăng prăk kak hăng pơplih mrô brơi ƀing apăn bruă să ngă tui jơlan hơdră anai.
Viết bình luận