Anai jing mơnuih djai drơi amăng rơnuk blah ayăt Prang. Amăng hrơi mông kơdrưh kơ-ang, khua mua tơring čar Khánh Hòa, tơhan blah ngă, gong gai hăng sang anŏ tơhan djai hơmâo dưm bơnga, čuh ñang, hơ’ŭ kơ mơnuih djai yua kơ lŏn ia, yua kơ tơlơi rơngai. Ơi Nguyễn Long Biên, Kơ-iăng khua jơnum min mơnuih ƀôn sang tơring čar Khánh Hòa, Kơ-iăng khua git gai “Bruă mă 500 hrơi mlăm hyu ĕp, kuai rŭ tơlang hăng pơsit anăn krăn pô tơhan djai yua kơ lŏn ia” pơđok hră hơdor hơ’ŭ.

Bruă ba glăi adơi ayong anong wa ngă tơhan djai drơi kơ lŏn ia glăi pơ anih amĭ ƀă yă pơjing jing “bruă pơđar kiăng ngă mơ̆ng hơtai boh”, pơdah tơlơi pơmin gơgrong bruă hăng thâo pơpŭ dlăm biă mơ̆ng rơnuk anai hăng ơi yă anong wa đưm tuh drah pơčah asar yua kơ lŏn ia. Mơ̆ng hrơi pơphun bruă mă 500 hrơi mlăm, tơring čar Khánh Hòa hyu ĕp, rŭ đĭ 14 per tơlang tơhan drơi yua kơ lŏn ia./.