Đơ đam tơring čar Lâm Đồng ră anai hơmâo 1.581 boh sang hră pơtô hrăm hăng giăm 841.000 čô čơđai sang hră hăng 25.799 boh anih hrăm.

Khă hnun, khul sang hră anih hrăm dŏ raih daih, hăng 770 boh anih sang hră taih ha bit; đơ đam tơring čar hlăk dŏ kơƀah 5.300 čô nai pơtô, mơnuih mă bruă amăng sang hră pơkă hăng anŏ či kiăng. Ƀơi anăp kơ tơlơi kiăng prăp lui mut thun hrăm phrâo, djop sang hră amăng tơring čar Lâm Đồng hlăk ngă tañ jŭ yap glăi anih hrăm, apui yua, ia kiăng, sang juă glai hăng gơnam yua pơtô hrăm; ming pơkra glăi ring bruă răm, kiăng huăi hơmâo anih hrăm pioh kơ čơđai dŏ ƀu hơđong, hŭi rơhyưt, yua sang hră sô răm tui hŭi rơhyưt. Djop ring bruă sang hră brơi pơtrut hmar man pơdong, gir run ngă pơgiong hlâo kơ kơnôl 15/8.