VOV.Jarai - Mơguah lơ 26/8, ƀơi Đà Lạt, Grŭp apăn bruă Jơnum min djop djuai ania mơnuih mơnam dêh čar Việt Nam tơring čar Lâm Đồng pơphun Jơnum bưp ƀô̆ mơta ƀing apăn bruă hơdôm khul đăo ƀrô djơ̆ tal hơdor glăi 80 thun Ngă hơkrŭ blan 8 hăng hrơi pơdŏng lŏn ia 2/9.

VOV. Jarai-Kơ-iăng khua dêh čar lăi pơtong, tal pok pơnai lĕ sa jơlan hơdră prong, pơdah rai tơlơi khăp pap mơ̆ng Ping gah hăng kơnuk kơna, kiăng pơtrut pơsur ƀing mơnă hơdip tơpă, gir mă bruă amăng sang mơnă jao, kiăng dưi tŭ mă tơlơi djru tañ pok hăng glăi hrŏm sang anŏ plơi pla.

VOV.Jarai-Khua dêh čar rơkâo, djop ding jum, anom bruă, tơring čar khom đing nao kơ sang anŏ, djru ba mơnuih ngă hơkrŭ, boh nik ñu ƀing tơhan kông an nao djru tơlơi blah ngă ƀơi kual Dơnung dêh čar.

VOV.Jarai - Mơguah lơ 25/8, Ping gah tơring čar, Jơnum min mơnuih ƀôn sang, Khul khua pơ ala mơnuih ƀôn sang, Jơnum min djop djuai ania mơnuih mơnam dêh čar Việt Nam tơring čar Quảng Ngãi pơphun Jơnum bơkơtưn khăp kơ lŏn ia tơring čar Quảng Ngãi tal sa (2025-2030), klah čun hơdôm bôh tơhnal ƀuh rơđah hloh mơ̆ng bruă pơphun bơkơtưn hăng bruă apah bơni rơwang 2020-2025; hrŏm hăng anun ba tơbiă jơlan gah, bruă jao phun kơ rơwang 2025-2030.

VOV.Jarai - Jơnum min apăn bruă Khua pơ ala mơnuih ƀôn sang dêh čar ta tŭ ư hrŏm lăi pơthâo kơ Khua pơ ala mơnuih ƀôn sang pel ĕp, pơplih pơkra abih bang Phiăn ngă tui pơkrem, pơgăn ngă khưi khai ƀơi Tal jơnum lok 10 pơ̆ anăp tui jơlan glông ngă hră pơ-ar rơbô̆t. Tơhnal ba tơbiă lĕ pơjing gru than bruă kơđi čar djơ̆ phiăn pơhlôm akô̆ tlôn, kơjăp phik, pioh pơkrem hăng pơgăn ngă khưi khai jing jơlan gah hơdip, djơ̆ pran jua klă rim čô mơnuih, kiăng pơčeh phrâo pran jua pô pơđĭ kyar kơjăp sui thun.

VOV.Jarai - Tơring čar Dak Lăk phrâo ngă giong laih jơlan hơdră lŏm lui sang dŏ tơ̆i sang phô̆, djru sang anŏ tơnap tap ƀu hơmâo sang dŏ.

VOV.Jarai-Ăt amăng mông jơnum lok 48, tlam lơ 12/8, Jơnum min apăn bruă phun pơ ala mơnuih ƀôn sang dêh čar pơgôp hiăp hră čih pioh pơblang glăi Hơdrôm hră tơlơi phiăn pơkă kơ bruă mă krăo lăng mơ̆ng khua pơ ala mơnuih ƀôn sang dêh čar hăng Khul pơ ala mơnuih ƀôn sang djop gưl čih pơkra glăi.

VOV.Jarai-Ƀơi sang jơnum prong khua pơ ala mơnuih ƀôn sang dêh čar, Jơnum min apăn bruă phun pơ ala mơnuih ƀôn sang dêh čar, pơphun jơnum bơkơtuai mơ̆ng ƀing pơ ala krăo lăng akŏ bruă “Tơlơi sem lăng mơ̆ng ƀing pơ ala mơnuih ƀôn sang dêh čar pioh pơtrut pơđĭ kyar”. Pơhiăp ƀơi mông jơnum, ơi Trần Thanh Mẫn, Khua git gai pơ ala mơnuih ƀôn sang dêh čar lăi pơtong, Jơnum min apăn bruă phun pơ ala mơnuih ƀôn sang khom krăo lăng na nao, wơ̆t hăng bruă hyu sem lăng ječ ameč kiăng ƀuh tơlơi soh glăi, aka ƀu gêh găl đah mơ̆ng hmao pơsir mơtam tơlơi tơnap tap, gun gan.

VOV.Jarai-Jơlan hơdră “Ngă hrŏm bruă djru mơnuih ƀôn sang” tal 31 hơmâo ruah să Kon Chiêng sa amăng hơdôm kual tơnap tap hloh tơring čar Gia Lai či nao. Pơphun amăng dua hrơi, jơlan hơdră anai hơmâo kah pơpha brơi mơ̆ng djop anih amăng dêh čar, pơtruh brơi kơ ană plơi pla neh met wa djuai ƀiă pơ anai.

VOV.Jarai - Amăng hơdôm hrơi hơdră bruă gong gai 2 gưl glăk dưi pok pơhai kơtang ƀơi tơring čar Dak Lak, bruă djru mơnuih ƀôn sang ngă juăt hăng mă yua hreč hơdôm anăn amăng măi mrô jing yôm phăn biă. Ngă hrŏm gong gai kơnuk kơna, ƀing tơdăm dra hlăk ai mut phung amăng tơring čar hlăk ngă hăng hơmâo ngă laih tui pran jua kơsung nao hlâo amăng bruă pơblih yua mrô, pơgôp hrŏm kiăng tañ hloh thâo yua boh thâo ia rơgơi mrô, biă mă ñu mơnuih ƀôn sang dŏ pơ kual ataih, plơi pla mơnuih ƀôn sang djuai ƀiă ƀơi tơring čar Dak Lak.