Tơlơi phiăn Bruă mă krăo lăng mơ̆ng khua pơ ala mơnuih ƀôn sang dêh čar hăng Khul pơ ala mơnuih ƀôn sang djop gưl čih pơhrua glăi hơmâo pơkra glăi djop, pơkă rơđah tong ten hloh kơ tơlơi dưi, bruă glăm ba mơ̆ng rim črăn bruă krăo lăng. Tui hăng anun, tơlơi phiăn hơmâo pơkă kơ bruă krăo lăng sa hơnơ̆ng bruă mơ̆ng khua pơ ala mơnuih ƀôn sang dêh čar, khul pơ ala mơnuih ƀôn sang djop gưl tui anăp či ngă: Khua pơ ala mơnuih ƀôn sang dêh čar, khul pơ ala djop gưl ƀu pơphun ƀơi anăp mơta ôh kơ Grup hyu sem lăng sa hơnơ̆ng bruă.

Pơhiăp ƀơi mông jơnum, ơi Trần Thanh Mẫn, Khua git gai pơ ala mơnuih ƀôn sang dêh čar lăi pơtong, tơhnal pơkă krăo lăng lĕ kiăng ngă giong tơlơi phiăn, pơhlom ngă bruă djơ̆, tơpă hloh hăng pơđĭ tui boh tŭ yua amăng bruă mă kơnuk kơna lơ̆m dêh čar. Laih dơ̆ng lăi pơtong, kiăng kah pơpha tong ten tơlơi dưi krăo lăng plah wah khua pơ ala mơnuih ƀôn sang gưl dêh čar hăng khul pơ ala mơnuih ƀôn sang djop gưl pơyŭ, ăt kah hăng plah wah djop gưl gong gai kơnuk kơna tơring čar, kiăng huăi pơrơkua nao rai hăng pơhlom brơi bruă mă tŭ yua hloh.