Să Măng Ri, Quảng Ngãi ngă hmar pơdong sang kơ mơnuih ƀôn sang hlâo kơ truh têt
Thứ sáu, 11:35, 05/12/2025
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Mơguah lơ 4/12, ƀơi plơi Čung Tam, Jơnum min mơnuih ƀôn sang să Măng Ri, kual čŭ siăng mŏng tơring čar Quảng Ngãi pơphun jơnum jak iâu ngă tui bruă hằng anăn “Bruă mă Quang Trung-Nao hmar man pơdong sang phrâo, kiăng hơđong tơlơi hơdip mơda kơ mơnuih ƀôn sang să Măng Ri”.
Mơ̆ng ră anai truh kơ têt ngă yang thun phrâo djuai ania dêh čar ta "Têt Bính Ngọ 2026", să Măng Ri amra ngă giong man pơdong phrâo 80 boh sang kơ mơnuih ƀôn sang.
Lơ̆m sa boh sang man pơdong hăng rơnoh prăk 60 klăk, laih anun jak iâu lu khul ling tơhan amăng kơnuk kơna nao djru mă bruă man pơdong sang, kiăng mơnuih ƀôn sang tañ hơmâo sang dŏ hơđong. Ơi Phạm Xuân Quang, Khua jơnum min mơnuih ƀôn sang să Măng Ri, brơi thâo, hăng tơlơi gum hrŏm khut khăt laih anun tơlơi thâo gum pơgôp sa pran jua amăng mơnuih ƀôn sang, Măng Ri amra tañ ngă giong bruă man pơdong, ming pơkra glăi sang, djru mơnuih ƀôn sang hmao čơkă hrơi ngă yang thun phrâo ƀong Têt Bính Ngọ thun 2026, rơnuk rơnua, mơak klă, trơi pơđao.
Viết bình luận