VOV.Jarai-Kơ-iăng khua dêh čar ơi Hồ Đức Phớc phrâo kĭ hră pơtrun djru ječ ameč prăk kăk kơ pă boh tơring čar Khánh Hòa, Lâm Đồng, Gia Lai hăng Dak Lak, kiăng rŭ glăi tơlơi răm ƀăm truh yua hơjan hlim ia ling dăo ngă.

VOV.Jarai-Tŏ tui jơnum lok 51 mơng Jơnum min apăn bruă Khua pơ ala mơnuih ƀôn sang dêh čar, rơwang hrơi tơjuh rơgao, Khua git gai pơ ala mơnuih ƀôn sang dêh čar ơi Trần Thanh Mẫn git gai jơnum pơgôp hiăp kơ tơlơi črâo trun tuh pơ alin Jơlan hơdră tui hơnong pơkă dêh čar pơplih phrâo, hrưn đĭ klă dong amăng pơtô pơjuăt amăng rơwang thun 2026-2035.

VOV.Jarai - Amăng hrơi mông hơjan sui hrơi, lu kual ƀơi Dap Kơdư dŏ kơđông, ƀu thâo tơbiă hyu, tơlơi hơdip mơnuih ƀôn sang tơnap biă mă. Ƀơi anăp tơlơi anun, gong gai hăng mơnuih ƀôn sang hơdôm boh tơring kual Dap Kơdư ječ ameč iâu pơthưr mơnuih mơnam, anung ƀañ čưng, ƀañ tet hăng prăp lui hơdôm rơbâo anung gơnam djru kơ neh met wa kual ia dăo.

VOV.Jarai-Tlam lơ 18/11, ƀơi să Ia Krêl, tơring čar Gia Lai, Binh đoàn 15 (Ding jum ling tơhan) pơphun ngă lơphet pok mă yua hăng jao Sang hră čơđai anet Sao Mai brơi ƀing nai hăng čơđai sang hră să Ia Krêl, tơring čar Gia Lai.

VOV.Jarai - Tŏ tui jơnum lok 10, rơwang hrơi tơjuh rơgao, Khua mua pơ ala mơnuih ƀôn sang dêh čar tŭ ư 2 tơlơi pơtrun yom, anun lĕ Tơlơi pơtrun akŏ bruă pơđĭ kyar bơwih ƀong huă - mơnuih mơnam thun 2026 hăng Tơlơi pơtrun mă yua prăk kơnuk kơna thun 2026. Lăp đing nao, tơlơi kiăng pơđĭ rơnoh bơwih ƀong thun 2026 hơmâo khua mua pơ ala jao mơ̆ng 10% truh pơ ngŏ, prăk pơhrui yap tui akŏ mơnuih mơ̆ng 5.400 truh kơ 5.500 USD.

VOV.Jarai - Ƀơi mông Jơnum lok 10, Khua pơ ala mơnuih ƀôn sang dêh čar tal 15, Khua pơ ala mơnuih ƀôn sang bơkơtuai ƀơi grup kơ Tơlơi phiăn pơkra glăi, pơhrua tui hơdôm tơlơi mơ̆ng 15 tơlơi phiăn gah bruă ngă hmua hăng ayuh hyiăng. Sa amăng hơdôm tơlơi hơmâo lu khua mua lăng yom pơđing hmư̆ hloh lĕ jao tơlơi dưi ngă bruă kơtang hloh kơ tơring čar amăng wai lăng rông, pơjrao hlô rông hăng tơjŭ pla, pơhlôm prăp rơmet hơdeč hmar amăng bruă wai lăng, nao hrŏm hăng tơlơi gơgrong bruă mơ̆ng gong gai ƀôn lan, laih dong pơsir hĭ “anih dŏ kơđông” mơ̆ng tơlơi hơmâo sit nik pok pơhai hrơi blan rơgao.

VOV.Jarai-Amăng hơdôm thun rơgao, ƀơi tơring čar Gia Lai, hrŏm hăng bruă jao wai pơgang rơnuk rơnua hăng pơđĭ kyar bơwih ƀong huă gah ling tơhan, djop khul ling tơhan hơmâo pok pơhai lu hơbô̆ bruă rơgơi pơtô ba mơnuih ƀôn sang, djru nao rai găn rơgao tơnap tap, djru brơi mơnuih ƀôn sang hơđong tơlơi bơwih ƀong huă, kiăng hrưn đĭ klă tơlơi hơdip mơda. Tơlơi anai ăt hơmâo hơđŏm glăi tơlơi yôm, kjăp tui pran khăp pap kơplah wah ling tơhan hăng mơnuih ƀôn sang amăng ƀon lan.

VOV.Jarai-Tlam lơ 11/11, ƀơi pơsat dor tơhan djai pơsăn drơi Chư Prông, Jơnum min mơnuih ƀôn sang tơring čar Gia Lai pơphun mông mơyut jôk, hơ-ŭ hơdor hăng pơya 18 per tơlang tơleh tơhan djai pơsăn drơi jăn amăng rơnuk blah ayăt Mi.

VOV.Jarai-Kơthel tal 13 (Kalmaegi) pưh nao ngă răm rai kơtang biă mă kơ tơlơi bơwih ƀong huă, biă mă ñu hăng sang anŏ čem rông hlô mơnong, akan hơdang pơ kual ia rơsĭ Sông Cầu, tơring čar Dak Lak, jing plơi prong Sông Cầu, tơring čar Phú Yên hơđăp. Tơdơi kơ abih kơthel, gong gai kơnuk kơna tơring čar ngă hrŏm djop sang bruă prăk brơi čan hăng anom bruă kơnuk kơna wai lăng sa hnơ̆ng bruă tañ jŭ yap glăi anŏ răm ƀăm laih anun pok pơhai brơi čan prăk djru ba rơđah rơđong, kiăng mơnuih ƀôn sang tañ hơđong tơlơi hơdip mơda.

VOV.Jarai-Phrâo anai, Kơ-iăng khua dêh čar ơi Hồ Quốc Dũng nao čuă jơmư, ƀơk gơnam kơ mơnuih ƀôn sang bơbeč yua kơthel 13 ƀơi hơdôm să kual gah ngŏ tơring čar Gia Lai.